Талија секогаш умее да привлече внимание за време на свечените настани.
На овогодишното доделување на Латино Греми наградите, 49-годишната пејачка и актерка влезе во улога на водителка заедно со Луис Фонси и промени пет стајлинзи. На настанот се чествуваа достигнувањата на жените во музиката.
Талија, која кај нас се прослави со улогата на Росалинда во истоимената теленовела, на сивиот тепих зачекори во романтична креација од дизајнерката Јанина Азар.
Подоцна, младоликата музичарка се пресоблече во два впечатливи фустани од Николас Жебран.
Брендот Dsquared2 ѝ позајми на Талија впечатлив костум, кој таа го комбинираше со накит од Princess.
Најголемо внимание таа привлече со црвениот фустан од LouLou кој ја истакна нејзината фигура.
Талија настапи и на сцената и за првпат го изведе својот нов сингл „Mojito“.