Бастијан Швајнштајгер и Ана Ивановиќ дефинитивно не се повеќе заедно.
Поранешниот фудбалер беше фотографиран додека страсно се бакнуваше со Бугарката Силва Капитанов на плажа во Грција. Новиот пар уживаше додека си разменуваше нежности во костими за капење.
Ова е првпат 40-годишниот Германец да се појави во јавност со партнерката по разделбата со поранешната српска тенисерка, со која има три сина.
Бастијан и Ана стапија во брак во јули 2016 година во Венеција. Во април оваа година, германското списание Bunte објави дека тие се разделуваат откако Ана помина два месеци со децата во Белград додека тој престојуваше во Минхен.
