Водолија (20. I – 18. II)

Сабота, 27 Април 2024

Не ги игнорирајте предупрдувачките знаци само затоа што некој ви се допаѓа. Ако забележите дека некој има задни намери кон вас, можеби не треба да го пуштате во вашето срце? Понекогаш треба да го слушнете и разумот.

Ако сте во врска, направете нешто забавно заедно со партнерот. Бидете будалести, експериментирајте и радувајте му се на животот.

Април, 2024

Љубов

Раширете ги рацете и со нив прегрнете колку што е можно повеќе пријатели. Во април ќе ги обожавате луѓето, а тие ќе ве обожаваат вас. Телефонот нема да престанува да ви ѕвони, бидејќи сите ќе сакаат да украдат дел од вашето време.

Сонцето во првите три недели од април ќе го грее вашиот сектор на локалните случувања, а на 5 април таму ќе пристигне и романтичната Венера. Со партнерот ќе имате желба за излегувања и дружби со пријателите како никогаш досега, па веројатно ќе бидете редовни посетители на големите случувања во вашето место на живеење. Создавајте заеднички спомени.

Некои соло водолии ќе се вљубат во долгогодишен пријател, други во сосед, а трети во колега или соработник. Љубовта ќе ве изненади на 8 април, кога ќе настапи младата месечина во вашиот сектор на платонските пријателства. Тогаш ќе има и тотална соларна еклипса, што значи дека треба да го очекувате неочекуваното.

Сексапилниот Марс цел месец ќе го вжештува вашиот сектор на самодовербата и стабилноста. Можно е да паднете на шармот на личност која секогаш изгледа средено од глава до пети и која не губи време залудно. Сериозноста ќе ви делува секси.

Паровите може да се соочат со проблеми поради пари или поради прекувременото работење. Ако гледате дека вашите навики на трошење му пречат на вашиот партнер, разговарајте со него и видете што можете да направите. Клучот кон успешна врска е искрената комуникација.

Сонцето на 19 април ќе се пресели во вашата 4-та куќа на домот и семејството, а 10 дена подоцна, таму ќе пристигне и романтичната Венера. Ќе го скротите вашиот немирен дух и ќе започнете да поминувате повеќе време дома. Многу партнери ќе одлучат да се вселат под ист покрив или да основаат свое семејство.

Работа и пари

Време е за нови соработки! Сонцето во најголем дел од април ќе патува во вашата 3-та куќа на истомислениците и поврзувањето, соединувајќи ве со личности кои размислуваат како вас и со кои одлично ќе комуницирате.

Можно е со нив да започнете нов проект на 8 април. Тогаш ќе настапи млада месечина, а ќе има и тотална соларна еклипса, што значи дека некоја соработка ќе се роди сосема неочекувано, а ќе ви донесе неверојатни резултати по шест месеци. Искористете ја моќта на социјалните мрежи за да се поврзете со истомисленици или за да ја подигнете свеста кај луѓето за важен проблем кој постои околу вас. Можно е некој од вашите постови да стане вирален хит.

Сепак, запомнете дека што и да правите, треба мудро да ги избирате вашите зборови, особено во периодот од 2 до 25 април. Тогаш комуникативниот Меркур ќе се движи ретроградно во вашата 3-та куќа, поигрувајќи си со вашата способност правилно да комуницирате со светот. Двапати проверувајте ги вашите текстови пред да ги објавите онлајн.

Голем успех ви претстои на 24 април, кога полната месечина ќе настапи во шкорпија. Некои водолии ќе добијат зголемување на платата, други унапредување, а трети ќе потпишат договор за соработка со важен клиент.

Здравје

Април ќе ви го трансформира начинот на живот, ќе ве натера да ги замените лошите навики со подобри и да бидете личноста која отсекогаш сакавте да бидете. Не се изненадувајте ако одеднаш добиете наплив на мотивација за да се откажете од пушењето, за да ги исфрлите нездравите грицки од полиците и да ги замените со јатки, или пак, ако започнете секој ден да тренирате наместо да ги прелистувате социјалните мрежи.

Енергичниот Марс цел месец ќе патува во вашата 2-ра куќа на секојдневните рутини, помагајќи ви да изградите подобар начин на живот.

Месецов, можни се проблеми со грлото или со дишењето. Ако страдате од сезонски алергии, можеби е добра идеја да посетите лекар.

2024 година

Љубов

Сакате уште веднаш одлична вест? Венера, планетата на љубовта и убавината, во 2024 година двапати ќе го посети вашиот знак, давајќи ви неспорен шарм да го покорите светот. Најстудените месеци ќе бидат најжешки за вас, бидејќи Венера ќе ве посети еднаш од 16 февруари до 11 март, а потоа и од 7 декември до 3 јануари 2025 година.

Вие сте познати по беспрекорниот стил и како модни икони во зодијакот, но сега ќе блескате со посебна убавина. Секој ден ќе изгледате како тукушто да сте заминале од фотосесија, а можно е и да експериментирате со посекси стајлинзи од вообичаено. Многумина ќе ви се одушевуваат, а вие ќе се забавувате додека ги гледате како ве анализираат од глава до пети.

Од 13 февруари до 23 март Марс ќе престојува во вашиот знак, потенцирајќи го вашиот сексапил. Ќе имате зголемено либидо и ќе уживате во моментите поминати со саканиот зад затворени врати. Многу водолии ќе ја искористат својата привлечност за да пронајдат стабилна личност со која ќе уживаат во текот на зимските месеци.

На 24 февруари полната месечина е во девица, вашиот сектор на интимноста и интензивните емоции. Околу овој датум очекувајте жешки ноќи кои ќе ви го растреперуваат телото секогаш кога ќе помислите на нив.

Оптимистот Јупитер до 26 мај ќе престојува во вашата 4-та куќа на домот, семејството и жените. Некои парови ќе одлучат да купат заеднички дом, други ќе ги интензивираат разговорите за проширување на семејството, додека трети ќе станат родители. Доколку не сте во врска, сентименталноста и нежноста ќе ве направат неодоливи. Не се изненадувајте ако често ве прашуваат како успевате да сте толку толерантни и полни со сочувство.

Од 26 мај до 9 октомври Јупитер ќе се движи директно во вашата страсна 5-та куќа. Независно од вашиот љубовен статус, ќе доживеете многу љубовни изненадувања. Јупитер е планетата на среќата, па на моменти нема да ви се верува дека сето тоа ви се случува токму вам.

Од 30 април до 9 јуни Марс ќе патува низ вашиот сектор на комуникацијата. Никој нема да може да ги победи вашите аргументи и многумина ќе ви се восхитуваат токму поради логичниот и аналитичкиот начин на размислување. Без проблем ќе создавате предност пред конкурентните, а ќе знаете и како најлесно да им се протнувате под кожа на клиентите.

Венера, планетата на љубовта, од 23 мај до 17 јуни ќе престојува во близнаци, вашиот сектор на страста и флертувањето. Ќе освојувате припадници на спротивниот пол дури и кога нема да имате намера да го правите тоа. Многу водолии ќе започнат врска со личност која ќе ги надополнува нивните слаби страни.

Во текот на 2024 година ќе чувствувате потреба да слушате љубовни зборови од саканиот дека засекогаш ќе бидете заедно. Строгиот Сатурн ќе ја помине цела година во вашата 2-ра куќа на стабилноста и секојдневните навики, учејќи ве дека пред да се обидувате да промените нечиј карактер, треба да го промените својот.

Имајте предвид дека Јупитер се движи ретроградно од 9 октомври до крајот на годината. Во овој период можно е во вашиот живот да се врати ваш поранешен партнер или конечно да ги увидите позитивните карактеристики на обожавател кој упорно сте го оттурнувале од себе.

На 15 декември полната месечина е во вашата петта страсна куќа, што значи дека ве очекува жешка ноќ која долго време ќе тлее во вашите сеќавања. Водолиите кои не се во врска ќе се зближат со личност со која подолго време флертувале без да направат посериозен чекор.

Пари и работа

Насмевка, ве молам! 2024 година ќе ја започнете со бум. Ќе нижите само успеси по 20 јануари, кога Сонцето, Меркур, Марс и Венера ќе се сретнат во вашиот знак. Ќе бидете незапирливи на работното место. Освен што ќе давате нестандардни идеи за кои сите ќе ви се одушевуваат, ќе можете и да водите успешни преговори за кои ќе добивате многу пофалби, а финансиските награди нема да изостанат.

Сериозниот Сатурн ќе ја помине цела година во риби, вашата 2-ра куќа на богатството и парите, правејќи ве повнимателни со вашите финансии. Сатурн е за бавен, но стабилен напредок, па ако сакате да успеете, избегнувајте ги ризичните потези и научете да планирате. Барањето на кратенки кон успехот нема да се покаже како успешно. Создајте добар план за исполнување на вашите големи соништа.

Јупитер, планетата на среќата, ќе ги помине првите 5 месеци од годината во вашата семејна 4-та куќа. Од присуството на Јупитер најголема корист ќе имаат вработените во области како угостителство, дизајн и работа со деца.

Од 2 до 24 април, Меркур ќе се движи ретроградно во вашиот сектор на комуникацијата. Тоа може да создаде тензија на работното место и да ви донесе многу недоразбирања и жестоки дискусии со колегите. Внимавајте во овој период да не влегувате во конфликти со авторитетни фигури.

Плутон, планетата на трансформацијата, до октомври ќе патува низ вашиот знак, па ќе го промените начинот на којшто комуницирате со клиентите и соработниците. Новите промени ќе се рефлектираат позитивно на вашата заработка.

Внимавајте на финансиите во периодот од 26 јуни до 15 ноември, кога Сатурн ќе се движи ретроградно. Сатурн ќе ве научи повеќе да штедите. Иако ќе морате да си скратите одредени задоволства, ќе бидете среќни што имате заштеда која носи одредена финансиска сигурност.

Од 22 септември до 23 октомври Сонцето ќе го осветлува вашиот сектор на претприемништвото. Некои водолии ќе одлучат да започнат свој бизнис, додека други ќе заминат на бизнис патување. Сонцето ќе ве поттикне да размислите за продолжување на образованието или пак за започнување на проект со соработник од странство.

Мистичниот Нептун ќе се движи низ вашата втора куќа на парите и работата, што значи дека не треба безгрижно и безрезервно да им веруваат на колегите и соработниците. Нема сите да бидат така добронамерни како што очекувате.

Здравје

Во 2024 година ќе бидете супер дисциплинирани кога е во прашање здравјето. Сериозниот Сатурн и мистичниот Нептун ќе патуваат низ вашиот сектор на секојдневните навики, поттикнувајќи ве да создадете рутини кои ќе ве држат во најдобра форма.

На 6 јули настапува млада месечина во јарец, вашата 6-та куќа на здравјето и фитнесот. Ова одличен ден за да си поставите високи цели или да си купите нова спортска опрема која ќе ве мотивира почесто да вежбате.

Штедете си ја енергијата во текот на последните две седмици на годината, кога Сонцето ќе го осветли вашиот сектор на одморот и завршетоците.

Бидете повнимателни кога практикувате поекстремни физички активности. Заштитете ги вашите екстремитети.