Лав (23. VII – 22. VIII)
Вторник, 19 Март 2024
Кажете им НЕ на новите понуди за професионални ангажмани. Морате најпрво да ја испразните листата со обврски и да ги завршите започнатите проекти пред да прифатите нешто ново.
Ако во изминатиот период фантазиравте за бегство од секојдневието, сега најдете начин како реално да го направите тоа. Кога последен пат патувавте со пријателите?
Март, 2024
Љубов
Март можеби ни ја носи пролетта, но во вашата душа ќе биде вистинско лето. Љубовта ќе биде во воздухот, а вие со задоволство ќе ја впивате нејзината арома. Мала армија планети ќе патуваат низ вашите љубовни сектори, носејќи ви скапоцени моменти со саканата личност. Без разлика на љубовниот статус, ќе се чувствувате неверојатно во сопствената кожа.
Космичките љубовници Марс и Венера цел месец ќе ги разубавуваат вашите романтични сектори, гарантирајќи ви незаборавни моменти со партнерот. Во првите 10 дена од месецот тие ќе патуваат рака за рака во вашата 7-ма куќа на сериозните партнерства и обврзувањето. За лавовите кои се во врска ова ќе значи зближување и соединување со партнерот. Не се изненадувајте ако тој одеднаш клекне на колено пред вас за да ве запроси.
Лавовите со статус сингл неизбежно ќе пронајдат личност со потенцијал за долга врска. Не брзајте со одлуката да споите усни со него, туку дајте си повеќе време за да го запознаете.
На 10 март ќе настапи млада месечина во вашиот сектор на интимноста и интензивните чувства. Нема да можете повеќе да ја игнорирате привлечноста која во изминатиот период се трупаше меѓу вас ваш додворувач и ќе споите усни со него. Нови врски се на повидок.
Паровите кои досега немаа планови за заедничката иднина, сега ќе започнат да ги кројат.
Романтичарката Венера на 11 март ќе премине во вашата 8-ма куќа на трајните сојузи и силните чувства, а на 23 март нејзе ќе ѝ се придружи и . Ако не верувате во љубов на прв поглед, сега на своја кожа ќе почувствувате дека таа навистина постои. Некои лавови ќе спојат усни со личност која штотуку ја запознале.
Лавовите кои се во врска можеби нема да се центар на целиот свет, но дефинитивно ќе бидат центар на светот на партнерот. Вашиот сексапил како магнет ќе го привлекува, па тој нема да може да ги оддели рацете од вашето тело. Најголемиот дел од ноќите овој март резервирајте ги за интимни средби само за вас двајца.
Работа и пари
Две глави се помудри од една, нели? Сонцето во првите три недели од месецот ќе го грее вашиот сектор на богатството и заедничките инвестиции. Нема да сакате да ризикувате сами, па ќе започнете нова соработка или партнерство кое ќе ви донесе голема заработка. Финансиската ситуација на сите лавови ќе се подобри.
Итриот Меркур на 10 март ќе премине во вашата 9-та куќа на далечните дестинации, носејќи ви соработници од други краеви од светот. Можно е да започнете да комуницирате со личност од друга држава која или ќе ви отвори нови можности или ќе ви помогне да стекнете нови вештини.
Полната месечина месецов ќе настапи во вашиот сектор на идеите и локалните случувања, помагајќи ви да реализирате проект поврзан со вашето место на живеење. На овој ден ќе има и делумна лунарна еклипса, што значи дека можно е ненадејно да започне да се реализира некоја од идеите кои ги споделивте пред шест месеци.
Здравје
Март традиционално за вас е месец за прочистување на организмот и детоксикација. Заменете ги мрсните и калорични оброци со свежи и балансирани порции, а газираните и благи пијалаци со вода. Пијте повеќе течности.
Одличен ден за да започнете да тренирате е 10 март. Ова е ден за нови почетоци кои ќе ви донесат неверојатни резултати по неколку месеци.
Не ги прескокнувајте редовните гинеколошки прегледи.
2024 година
Љубов
2024 година ќе ве мотивира да трагате по подлабоко емотивно поврзување, а во меѓувреме ќе ви подари бројни моменти исполнети со екстатична возбуда и љубовни игри.
Младата месечина на 9 февруари е во водолија, вашиот сектор на сериозните врски и обврзувањето. Можно е токму кон крајот на првиот месец од годината да започнете долга врска со личност која има сериозни намери.
Јупитер, планетата на среќата и оптимизмот, до 26 мај ќе престојува во вашата 10-та куќа на долгорочното планирање и мажите. Нема да сакате ни да помислите на влегување во врска ако таа не ви ветува дека ќе трае долго. Авантурите за една ноќ ќе отсуствуваат во овој период. Голема е веројатноста да го запознаете господин Вистински на работното место или за време на деловно патување. Некои лавови ќе бидат освоени од повозрасна личност, затоа што Јупитер патува низ секторот на мудрите и реализирани лица.
Плутон, планетата на трансформацијата, до 2 мај ќе патува во вашата 7-ма куќа на љубовта и зближувањето. Ќе бидете поблиски отсекогаш со партнерот, иако луѓето нема да можат да го забележат тоа отстрана. Најголемите промени ќе се случуваат внатре во вас и нема да бидат видливи за околните.
На 29 јуни Сатурн ќе премине во ретроградно движење во вашата осма куќа на интимноста. Ќе ги избегнувате ризичните љубовни авантури и воопшто нема да избрзувате при донесувањето одлуки во врска со љубовта. Тоа ќе придонесе да не се каете за ниту една ваша постапка. Строгиот Сатурн е учител, па со негова помош ќе научите скапоцени лекции кои ќе ги искористите за да ги заобиколите љубовните разочарувања.
Најжешкиот период од годината ќе биде уште пожежок со романтичната Венера во вашиот знак од 11 јули до 5 август. Ќе бидете најпосакуваната личност на секоја забава, а ретко кој ќе може да ги тргне очите од вас во текот на летото. Внимание ќе добивате во изобилие.
Комуникацијата со саканиот може да се влоши од 5 до 28 август, кога Меркур ќе се движи ретроградно во вашиот знак. Бидете потрпеливи за да не ги претворате малите кавги во бурни караници.
Најромантичниот период ве очекува од 17 октомври до 11 ноември, кога Венера ќе патува низ вашата 5-та страсна куќа на љубовта. Не сте во врска? Очекувајте да ве погоди љубовната стрела на Купидон. Ќе сретнете партнер кој ќе може да ѕирне длабоко во вашата душа и кој ќе ви ги разлета пеперутките во стомакот. Во врска сте? Есента ќе ви донесе многу романтични мигови кои ќе се врежат во вашите сеќавања.
Младата месечина на 1 декември ќе биде во стрелец, вашиот сектор на страста и флертувањето. Ова е фантастичен ден за почеток на нови љубовни сојузи и отворање на нови поглавја во веќе постоечките врски. Срцето ќе ви порасне многукратно, а телото ќе ви трепери како ретко кога претходно.
Пари и работа
Подготвени сте за успеси? Во текот на 2024 година Уран, планетата на неочекуваните настани, ќе патува низ вашиот сектор на кариерата и амбициите, мотивирајќи ве да зграбите поголемо парче од колачот на професионален план. Ќе добивате фантастични вести токму тогаш кога најмалку ќе ги очекувате.
Строгиот Сатурн ќе ја помине цела година во вашата 8-ма куќа на богатството и заедничките инвестиции, поттикнувајќи ве да работите заедно со партнер ако сакате да успеете. Најубавите и најскапоцени лекции ќе ги научите кога создавате пресметани деловни сојузи. Размислувајте долгорочно и најдете начин како најмудро да ги инвестирате парите коишто ги поседувате.
Додека Сатурн се движи директно, односно до 29 јуни, тоа е и период за учење и надградување на вашето знаење. Запишете се на курс кој ќе ви помогне да напредувате во работата или започнете да учите нов странски јазик.
Успехот ќе ви зависи од бројот на луѓе кои ги познавате. Среќниот Јупитер од 26 мај ќе патува во вашата 11-та куќа на поврзувањето и тимската работа, терајќи ве да ја оставите индивидуалната работа и да им се приклучите на групните проекти кои ветуваат и поголема динамика.
Под влијание на Јупитер, планетата на технологијата, ќе се поврзете со лице од друга држава кое ќе одигра голема улога во вашата понатамошна кариера. Можно е да заминете на работа или усовршување во странство.
Младата месечина на 3 септември ќе настапи во девица, вашиот сектор на парите и работата, па голема е веројатноста да добиете пари за кои не сте верувале дека ќе завршат во вашиот џеб. Некои лавови ќе добијат примамлива бизнис понуда каква што чекале долго време.
Очекувајте позитивни промени во кариерата во периодите од 19 април до 20 мај и од 22 август до 22 септември, кога Сонцето ќе се движи низ вашите куќи на кариерата и амбициите и работата и парите.
Од 13 февруари до 23 март амбициозниот Марс ќе патува низ вашиот сектор на партнерствата, мотивирајќи ве да се здружите со доверлив партнер за нова бизнис авантура која ќе ви донесе финансиски успех токму пред крајот на годината.
Во последниот месец од 2024 година, поточно од 7 декември, Марс ќе се движи ретроградно во вашиот знак. Скротете ја импулсивноста за да не направите непромислен деловен потег за кој ќе зажалите. Играјте претпазливо.
Здравје
Крајно време е целосно да го прочистите вашето тело. Строгиот Сатурн цела година ќе престојува во вашата 8-ма куќа на детоксикацијата, поттикнувајќи ве почесто да се насочувате кон режими на исхрана кои ќе ви дадат чувство на леснотија. Дајте им посебно место во кујната на чаевите и на водата.
Претпочитајте ги групните спортови и вежби пред тренинзите во домашна атмосфера. Јупитер, планетата на оптимизмот, по 26 мај ќе патува во вашата 11-та куќа на пријателствата и групните активности, па најмотивирани ќе бидете да вежбате или да се храните здраво доколку имате покрај себе партнер. Ако планирате да започнете со диета, кажете им го тоа на неколку доверливи лица кои ќе ве поддржуваат.
Грижата за здравјето ќе ви стане приоритет наесен. Плутон, планетата на трансформацијата, од 12 октомври до 19 ноември ќе патува директно низ јарец, вашиот сектор на здравјето, фитнесот и организираноста, па дисциплинирано ќе се придржувате кон здрав начин на исхрана и редовно практикување на физичка активност. Значително ќе го намалите стресот во вашето секојдневие, бидејќи нема да си дозволувате да живеете хаотично и неорганизирано.
Можно е да се соочите со недостиг на енергија во периодот од 4 септември до 4 ноември, кога Марс ќе патува низ вашиот сектор на одморот. Почесто релаксирајте се во тивки простории и избегнувајте ги пријателите со терсене карактери.
Од 11 ноември до 7 декември Венера ќе патува низ вашиот сектор на здравјето, поттикнувајќи ве да се разубавувате и негувате. Во тој период некои лавови ќе добијат добри вести поврзани со нивното здравје.
Општи карактеристики за лав
Лавот е управуван од Сонцето, кое што е центар на нашиот сончев систем. Кога целиот универзум се врти околу вас, тешко е да бидете скромни. Ако вашиот знак е лав, тогаш вие се сметате за центар на светот и понекогаш сте во право! Исто како сонцето и лавот загрева сè наоколу со неговата драма и со начинот на комуникација. Кога сонцето заоѓа е многу ладно, така е и кога „заоѓа“ расположението на лавот.
Вашите пријатели знаат дека секогаш треба да ве прават среќни и весели или ќе има драма. Покрај тоа што сте егоцентрични вие сте родени лидери и поседувате силен личен магнетизам. Вашата способност да раководите секогаш ви гарантира успех.
Вие се стремите кон власт многу повеќе од другите знаци и тоа ве прави егоисти, а понекогаш дури и смешни во очите на другите. Вистината е дека вие имате огромно срце и сте најдобродушниот знак во хороскопот. Секогаш сте покрај луѓето кои ги сакате за да им помогнете, да ги разгалите или за да ги заштитите.
Во љубовната врска се стремите да блескате. Романтични сте и давате се од себе кога сте ценети од партнерот и кога постојано вниманието е насочено кон вас. Вие сте секогаш среќни кога ви се обрнува внимание. Запомнете дека луѓето ја искажуваат својата љубов на различни начини и никој не може да го направи тоа како вас.
Вашите цели секогаш се тешки за постигање. Огромната енергија, која што треба да ја вложите е неразбирлива за другите.
Симбол:
Лав
Симболизира:
Енергичност, креативност, гордост, суета, големина, власт, слава.
Елемент:
Оган
Планета:
Сонце
Ден од седмицата:
Недела
Боја:
Жолта, златна и виолетова.
Број:
1
Скапоцени камења:
Злато и дијаманти.
Најдобри професии:
Директори, управници, политичари, претседатели, модели, економисти, спортисти, декоратори, педијатри, кардиолози и секоја професија поврзана со творење и креативност.
За да се спријателите со нив:
Соработувај со нив и обиди се да им го следиш брзиот ритам.
Дел од телото:
Срце, горниот дел од грбот, 'рбетниот столб.
Добри карактеристики:
Смели, мили, добродушни, лојални, чесни, забавни, креативни, добри организатори, отворени, со добро чувство за хумор, комуникативни, добри љубовници, лидери.
Лоши карактеристики:
Арогантни, горделиви, незрели, егоисти, љубоморни, нештедливи, агресивни, сурови, мрзливи (особено мажите), имаат преголема желба за власт.
Карактеристики по кои ќе ги познаете:
Карактеристична бујна коса, надмено однесување.
Омилени работи:
Театри, камери, DVD-a, богати десерти, црвени рози, разменување на подароци, пеење, комплименти.
Работи кои ги мразат:
Да бидат игнорирани, сребрени медали наместо златни, лесна храна, да бидат сами, збогувања.
Можете да ги најдете:
Режирајќи нивни сопствени филмови, вовлечени во љубовна авантура, кандидирајќи се за претседатели.
Скриена желба:
Да владеат со светот!