Вага (23. IX – 22. X)

Вторник, 19 Март 2024

Целиот труд кој го вложувавте во изминатиот период ќе започне да ви дава резултати. Некои ваги ќе го добијат посакуваното унапредување, други ќе бидат наградени, а трети ќе привлечат голем клиент.

Имајте реалистични очекувања на секое поле од животот. Не летајте превисоко за да не паднете прениско.

Март, 2024

Љубов

Енергијата ќе струи низ вашето тело, а вие посветено ќе ја користите за да се фокусирате на подобрување на надворешниот изглед. Распоредот ќе ви биде полн со љубовни и друштвени средби, како и со тренинзи. Ќе обожавате да го негувате вашето тело, а тоа ќе ви возвраќа.

Убавата Венера и сексапилниот Марс ќе ги поминат првите денови од март во вашата 5-та куќа на страста, романсата и гламурот. Кој вели дека Денот на вљубените е само еден? Вие и вашиот партнер ќе бидете доказ дека Свети Валентин може да се слави секој ден од годината. Страста ќе лудува во вашето тело, а зголемената физичка интимност за некои ваги ќе резултира со позитивен тест за бременост.

Експериментирајте со стилот и не се плашете да носите погламурозни модни комбинации кои паѓаат во очи. Вагите со статус сингл ќе запознаат некој специјален кој ќе ги привлече со насмевката и страста. Ова е период кога ќе ги сакате луѓето кои знаат да уживаат во животот, бидејќи и вие ќе бидете такви.

Сте знаеле ли дека паровите кои тренираат заедно остануваат заедно? Убавата Венера на 11 март ќе премине во вашата 6-та куќа на здравјето и фитнесот, а на 23 март ќе ѝ се придружи и сексапилниот Марс. Со партнерот ќе свртите нов лист и ќе ги преселите љубовните состаноци од спалната соба во кујната. Ова е период кога ќе ги цените малите романтични гестови, гледајќи на нив како љубовни докази.

Вагите со статус сингл ќе запознаат личност со заеднички интереси за вежбање и здрава исхрана. Да, вашата сродна душа веројатно ќе ја пронајдете додека тренирате или додека пазарувате здрави намирници.

Најубавиот ден од месецов, ако не и од годината, ќе ви биде 25 март. Тогаш полната месечина ќе настапи во вашиот знак, осветлувајќи ги вашите најубави црти и карактеристики. Луѓето ќе бидат одушевени од она што ќе го гледаат, па не треба да ве изненадува тоа што ќе имате голем број додворувачи. Уживајте во комплиментите и зголемената популарност.

Вагите кои се во врска околу овој датум ќе се израдуваат на предлог за брак, бременост или изненадување од саканиот. Бидејќи на овој ден ќе има делумна лунарна еклипса, убавите вести може да бидат ненадејни за вас.

Работа и пари

Уредете го вашиот живот. Колку поорганизирани ќе бидете овој месец, толку поголема ќе ви биде продуктивноста. Сонцето во најголем дел од март ќе го грее вашиот сектор на деталите и ефикасноста. Нема да можете да функционирате во хаос, па колку што е можно повеќе, средете ги нештата кои ви ја кочат работата.

Креативноста ќе ви биде огромна во првите три недели од март, кога енергичниот Марс ќе патува во вашата 5-та куќа. Не се плашете да зборувате за вашите замисли, бидејќи голем дел од нив ќе станат реалност. Обновете ги фотографиите и информациите на социјалните мрежи и грижете се за вашиот имиџ.

Во последните 10 дена од месецот ќе потпишете важен договор за соработка или ќе склучите профитабилна зделка.

Проект на кој сте работеле уште од вашиот роденден во октомври целосно ќе се реализира под светлината на полната месечина на 25 март. Дали сте подготвени да ги соберете наградите од вашиот труд? Само напред!

Здравје

Безгрижно ќе се движите низ секој нов ден во првата половина од март. Воопшто нема да се грижите ако ги прескокнете тренинзите или ако каснете едно чоколадо. Престојот на Венера и Марс во вашата 5-та куќа ќе ве направат слаби на задоволствата кои ги нуди животот.

За среќа, Сонцето ќе балансира за да не одите во екстремности. Во првите три недели од март, тоа ќе престојува во вашата 6-та куќа на фитнесот и добрите навики, поттикнувајќи ве повеќе да се грижите за себе.

Сè во вашиот живот ќе се промени откако на 23 март енергичниот Марс ќе премине во вашиот сектор на грижата за себе. Имате зелено светло да се насочите кон поинтензивни тренинзи, посмели промени во исхраната и изнаоѓање нови начини за намалување на стресот.

2024 година

Љубов

Љубовни изненадувања, неочекувани средби кои го менуваат животот, романтични изјави кои ќе ве воздигнат во облаци, флерт игри од кои зоврива крвта... 2024 дефинитивно ќе ве усреќи на љубовен план и ќе ве поттикне да тргнете во неистражени територии на вашето срце и душа.

Од 20 јануари до 19 февруари Сонцето ќе го осветлува вашиот сектор на страста, флертувањето и романсата. Ќе ви се зголеми либидото и ќе копнеете за што повеќе интимни средби со партнерот. Вагите кои не се во врска може неочекувано да завршат во прегратка на личност која ќе им го затрепери срцето.

Очекувајте многу жешки ноќи во периодот од 13 февруари до 23 март, кога и сексапилниот Марс ќе престојува во вашиот сектор на страста, флертувањето и романсата. Марс ќе ви го зголеми либидото и ќе сакате почесто да останувате зад затворени врати со саканиот. Имајте на ум дека Марс носи и повеќе љубовни расправии. Но, жестоките дискусии со саканиот на одреден начин ќе ви делуваат како афродизијак, па ќе се смирувате во спалната соба. Вагите кои не се во врска отворено ќе покажуваат колку успешно можат да заведуваат, па постојано ќе бидат опкружени со заинтересирани кандидати за освојување на нивното срце.

И Венера ќе престојува во вашата 5-та страсна куќа прво од 16 февруари до 11 март, па од 7 декември до крајот на 2024 година. Ќе бидете подготвени да го заведете саканиот и повторно да му ги разлетате пеперутките во стомакот. Експериментирањето во спалната ќе ви ја зголеми сексуалната возбуда, а ќе повлијае позитивно и на вашата комуникација во врската. Многу ваги ќе влезат во врска без да имаат големи очекувања, но ќе останат позитивно изненадени кога по кратко време серозно ќе се приврзат за новиот партнер.

Во текот на 2024-та ниту малку нема да ви пречи да имате покрај себе личност која постојано ќе ви ја подарува својата љубов. Во првата половина на годината, Јупитер ќе патува низ вашиот сектор на интимноста и интензивните емоции, па голема е веројатноста да ви донесе партнер кој би го нарекле сродна душа.

Вагите кои се во врска сериозно ќе се обврзат и ќе размислуваат за свршувачка, брак или проширување на семејството. Под влијание на Јупитер, некои ваги ќе одлучат да раскинат со партнерот за по кратко време да бидат изненадени од нова постабилна врска.

Од 2 до 24 април Меркур ќе се движи ретроградно во вашиот сектор на сериозните врски, па повторно се зголемуваат шансите за обновување на стара врска. Некои ваги во овој период ќе наидат на многу недоразбирања со саканиот, но за среќа, станува збор за краток период преку кој брзо ќе преминат.

На 8 мај младата месечина ќе настапи во бик, вашиот сектор на интимноста. Се зголемуваат шансите да запознаете личност која ќе ја наречете своја сродна душа.

На 26 мај Јупитер ќе започне да патува низ вашиот сектор на патувањата и авантурите, па можно е да започнете врска на далечина, или пак, да дојде до раѓање на нова љубов додека сте во странство или помеѓу вас и странец. Јупитер нè мотивира да ризикуваме, но и ни носи среќа. Па, можно е да влезете во врска со личност за која воопшто не сте сигурни дали е вистинската за вас и набрзо таа љубовна авантура да прерасне во стабилна врска со блескава иднина.

Фантастичен ден за љубовни почетоци е 2 октомври, кога младата месечина ќе настапи во вашиот знак, а ќе има и прстенесто затемнување на Сонцето. Први бакнежи, прво „Те сакам“, прво „Те посакувам“... Овој ден ќе носи посебна магија.

Венера ќе ви ги разубавува декемвриските денови и ноќи и ќе ви подари незаборавен крај на 2024 година. Со престојот во вашиот страстен сектор, романтичната планета ќе ви ја засили возбудата, ќе ве претвори во неодолива заводничка и ќе ве обвие со аура која никој нема да може да ја игнорира.

Пари и работа

Од самиот старт до самиот крај на 2024 година ќе редите забележителни успеси.

Под влијание на Јупитер, планетата на богатството и среќата, несомнено ве очекува голем напредок. Од финансиска гледна точка, ова ќе ви биде супер среќна година. Ќе преземате само калкулирани ризици и ќе ги прескокнувате небезбедните инвестиции за брза заработка.

Ќе се создадат идеални услови за унапредување, покачување на платата и нови вработувања, но и за мотивација да ги проширите вашите видици и визионерски да погледнете на иднината.

На 25 март полната месечина ќе настапи во вашиот знак, а ќе има и делумно затемнување на Месечината. Ќе добиете награда или признание, а многу ваги ќе застанат во центарот на вниманието. Големи се шансите да треба да одржите јавен говор или да презентирате амбициозен проект.

Од 26 мај до 9 октомври, Јупитер ќе се движи директно низ вашиот сектор на патувањата и претприемништвото. Ве очекува важно бизнис патување. Ќе се посветите на одржување на врските со соработници или клиенти од странство. Бидејќи Јупитер нè поттикнува да ризикуваме, многу полесно ќе ви биде да менувате работни места или да направите голем чекор кон основање на сопствен бизнис. Некои ваги ќе го прошират својот бизнис зад границите на државата.

На 1 ноември младата месечина е во вашиот сектор на работата и парите. Очекувајте да се наполни вашиот паричник со пари кои не сте очекувале сега да стигнат до вас. Можно е некој предвреме да ви исплати средства кои ви ги должи. Младата месечина носи големи промени и нови почетоци.

Здравје

Во текот на целата година Сатурн ќе престојува во вашиот сектор на здравјето, мотивирајќи ве да го правите правилниот избор кога станува збор за исхраната.

И мистичниот Нептун ќе патува низ риби, вашиот сектор на здравјето и фитнесот, па ќе експериментирате кога станува збор за одржувањето на телото и здравјето. Ќе воведете во вашата исхрана повеќе свежи овошни и зеленчукови сокови, а ќе пробате и нови активности како јога кои ќе ја засилат врската помеѓу вашето тело и вашиот ум.

Но, ретроградното движење на Сатурн кое започнува на 29 јуни и ќе трае до 15 ноември можно е да врати здравствен проблем кој сте го оставиле зад себе, да ви ја зголеми анксиозноста или загриженоста, или пак, да ви ги направи тренинзите измачувачки. Најдете која е причината за тоа и не се плашете да побарате помош.

Домот ќе ви биде извор на стрес во периодот од 2 септември до 12 октомври, бидејќи Плутон ќе се движи ретроградно во вашиот сектор на домот и семејството.

Кон крајот на годината, некои ваги ќе започнат со физики и психички подготовки за забременување.

Општи карактеристики за вага

Нежните ваги се управувани од Венера – планетата на убавината и љубовта. Тоа го објаснува нивното нежно зборување и убавото лице. Исто како и биковите, кои се доминирани од Венера и вагите сакаат да бидат заобиколени со уметност, култура, убавина и хармонија.

Ако сте родени во овој знак, тогаш поради влијанието на Венера вие сте љубител на добрата храна и скапите работи. Но, понекогаш таа ваша страст е насочена кон луксузни работи и тоа ве прави многу алчни и големи материјалисти во очите на другите.

Вагата како што покажува и самиот симбол сака сè да биде балансирано, па вие не можете да поднесете неправда и конфликти. Понекогаш сте несигурни во вашите ставови и многу често отстапувате од нив. Но, не секогаш вашето отстапување е поради тоа што се чувствувате победени. Многу често знаете да попуштите дури и кога знаете дека сте во право, со цел да избегнете конфликт.

Вашата желба е да има мир и хармонија. Вие се стремите да бидете објективни и справедливи. Секогаш се борите за правда и тоа го правите со стил.

Во љубовната врска сте забавни и романтични. Знаете како да ги шармирате луѓето околу вас и длабоко во вас се крие голем борец. Често знаете да бидете мрзливи, мразите некој да ве избрзува и сакате сè да се решава на вашиот начин и во времето кога вие го сакате тоа, дури кога тоа значи да задоцните со десет часа.

Вие го сакате дизајнот исто како што ги обожавате добрите дебати. Успешни сте кога исполнувате дипломатска мисија и уживате кога работите во екипа. Знаете да си ги реализирате целите кога работите во екипа, но ако бидете оставени сами се сомневате во своите способности и сте несигурни.

Вие секогаш сакате да бидете заобиколени со луѓето што ги сакате. Пријателски сте настроени, но поради вашата желба да бидете сакани од сите, многу често отстапувате од вашата позиција и се приспособувате на другите.

Вагата е знак спротивен на овен, симболот на индивидуалноста. А вие како претставник на знакот вага, секогаш имате време за другите. Но, немојте да заборавите да одделите малку време за вас. Вагите можат да бидат заробени во убавите моменти и да заборават на нивните лични обврски.

Научете да бидете организирани и ќе го имате целото време на светот да уживате во вашиот прекрасен живот.

Симбол:
Вага

Симболизира:
Справедливост, рамноправност, рамнотежа, убавина, хармонија, дипломатичност, согласност.

Елемент:
Воздух

Планета:
Венера – планетата на убавината и љубовта.

Ден од седмицата:
Петок

Боја:
Златна

Број:
5

Скапоцени камења:
Бронза и корал.

Најдобри професии:
Дизајнери, адвокати, политичари, естетски хирурзи, брачни консултанти, фотомодели, фризери, декоратори.

За да се спријателите со нив:
Доста себични се, па ако ги фалите и им покажувате дека ги цените ќе постигнете со нив сè што ќе посакате. Не ги критикувајте!

Дел од телото:
Долниот дел од грбот, задникот.

Добри карактеристики:
Шармантни, мили, фер, искрени, несебични, безнадежно романтични, грижливи, пацифисти, љубезни, им придават голема важност на партнерските односи и на тимската работа.

Лоши карактеристики:
Горди, нерешителни, неуверени, манипулатори, разгалени, мрзливи, се плашат да се ангажираат, кокетни.

Карактеристики по кои ќе ги познаете:
Мали симетрични црти, нежни очи.

Омилени работи:
Концерти во големи сали, поезија, скап накит, богата храна, добро дизајнирани алишта.

Работи кои ги мразат:
Глупави луѓе, кавгаџии, да бидат притиснати да донесат одлука, да велат „добра ноќ“, да го слушаат зборот „можеби“.

Можете да ги најдете:
Како танцуваат на забава во склад; како филозофираат за животот во кафе бар; заглавени дома пишувајќи поема; одлагајќи нешто за друг ден; на некаков социјален настан.

Скриена желба:
Да сакаат и да бидат сакани!

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 8876 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.