Овен (21. III – 19. IV)

Вторник, 19 Март 2024

Обидете се да не одите во екстремности денес, иако тоа ќе ви биде вистински предизвик. Научете да одржувате баланс и да чекорите во златната средина ако сакате да имате успешен ден.

Ако некој се обиде да ви застане на патот кон реализирањето на целите, не му дозволувајте. Борете се за она што е ваше.

Март, 2024

Љубов

Март ви го носи почетокот на вашата омилена сезона. Но, пред да си ја замислите роденденската желба, потребно е да оставите зад себе сè што не ви е потребно повеќе. Збогувајте се со луѓето кои ве полнат со лоши чувства, ослободете се од предметите кои не ви се потребни, донирајте ја облеката која не сте ја облекле со години...

Сонцето во првите три недели од месецот ќе патува во вашиот сектор на одморот и завршетоците, поттикнувајќи ве повеќе да се грижите за себе, физички и ментално. Престанете да живеете во минатото и да се каете за старите љубови, пропуштајќи ги прекрасните шанси кои стојат пред вас. Кога една врата се затвора зад вас, друга се отвора. Погледнете внимателно околу себе.

Овните кои се во токсична врска ќе соберат храброст да го кажат последното „Збогум“ и ќе се фокусираат на себеси. Тоа веројатно ќе се случи на 10 март, кога младата месечина ќе настапи во вашиот сектор на завршетоците. Ова е ден кога треба да свртите нова страница и да се насочите кон нови почетоци.

Венера, планетата на љубовта и убавината, ќе ги помине првите 10 дена од март во вашата 11-та куќа на пријателствата. Некои овни ќе ја пронајдат вистинската љубов во нивното друштво. Не се изненадувајте ако почувствувате физичка привлечност кон некој кој сте го гледале само како пријател.

Паровите ќе ја заменат домашната атмосфера со весели излегувања со пријателите. Социјалниот живот ќе ви се збогати и тоа позитивно ќе ви се одрази на односите со партнерот.

На 11 март, романтичарката Венера ќе премине во вашата 12-та куќа на фантазиите и имагинацијата, а на 23 март нејзе ќе ѝ се придружи и сексапилниот Марс. Со партнерот ќе „избегате“ од реалноста и ќе се преселите во свет каде сè е розово. Ќе летате на седмо небо и ќе уживате во фазата „меден месец“.

Ако сте соло, бидете внимателни на кого му ја давате вашата доверба. Можно е да ви се помешаат фантазиите со реалноста и да не можете да носите правилни одлуки.

Пролетта за вас ќе започне на најубав можен начин – со стартирање на вашата роденденска сезона. Сонцето на 20 март ќе премине во вашиот знак, најавувајќи ви среќни настани и исполнување на желби. Весело ќе извикувате „Животот е убав“, затоа што вистински ќе го чувствувате тоа.

Многу нови врски ќе се родат под светлината на полната месечина на 25 март, која ќе биде и делумна лунарна еклипса. Можно е ненадејно да одлучите да споите усни со некој што ви се додворувал во изминатите месеци.

Работа и пари

Направете мала пауза од прифаќањето нови и нови ангажмани! Во првите три недели од март, фокусирајте се на завршување на веќе започнатите проекти и активности. Работете помудро, а не понапорно, штедејќи ја енергијата која нема да ја имате во изобилие. Сонцето ќе спие во вашата 12-та куќа на одморот и завршетоците, потсетувајќи ве дека животот не е трка.

Во првите три недели од март, енергичниот Марс ќе престојува во вашиот сектор на групните активности, што значи дека треба да ги претпочитате тимските активности и соработките. Здружете се со истомисленици ако сакате да постигнете цел која не можете сами.

Насмевнете се! За вас сè ќе се промени на 20 март, кога Сонцето ќе се пресели во вашиот знак. Ќе се чувствувате непобедливо и тоа реално ќе биде така. Во последните денови од месецот ќе имате желба, елан, мотивација и ресурси за да постигнете сè што посакувате.

Одличен ден за потпишување договори е 25 март.

Здравје

Март ќе ви започне мрзливо и летаргично, но ќе ви заврши енергично и брзо. Искористете ги првите три недели за да се одморите и да ги наполните батериите, подготвувајќи се за она што претстои. Заборавете на интензивните тренинзи и екстремните диети. Бидете умерени во сè што правите.

Можно е да се соочите со несоница или да имате немирен ум. Пробајте медитација.

Имате зелено светло да го зголемите темпото во периодот по 20 март. Тогаш енергијата ќе ви биде огромна.

2024 година

Љубов

Во 2024 година нема да оставите простор за монотонија, ниту пак за стагнација во љубовта. Врските ќе ви служат како огледало, бидејќи ќе ги рефлектираат промените кои се случуваат кај вас како личност и вашето развивање.

На почетокот на годината, поточно од 23 јануари до 16 февруари, романтичната Венера ќе транзитира низ јарец, па ќе се фокусирате на врски кои нудат стабилност. Акцентот ќе биде ставен на пронаоѓање на партнер кој ги споделува вашите визии за иднината, вредности и аспирации. Страсната енергија на Марс ќе внесе динамика и огнени чувства во вашиот љубовен живот, но исто така ќе ви ја зголеми импулсивноста.

На 25 март нè очекува делумно затемнување на Месечината, а тогаш полната месечина ќе биде во вага, вашиот сектор на сериозните врски и обврзувањето. По подолго флертување, можно е на овој датум да го споделите првиот бакнеж со лице кое ви ги разлетува пеперутките во стомакот. Во врска сте? По кој знае кој пат ќе увидите зошто вашиот партнер е Вистинскиот за вас. Тој ќе ви ја покажува љубовта, а вие ќе уживате во секој миг.

Април ќе ви донесе страст, возбуда и романтика за какви што мечтаете. Венера ќе патува низ вашиот знак, давајќи ви шарм со кој ќе заведувате како вистинска божица. Никој нема да може да ви одолее, па ова е периодот од годината кога ќе ви се исполнуваат љубовните желби. Вашиот партнер постојано ќе ви покажува дека неговото срце ви припаѓа вам. Многу овни ќе стапат во врска исполнета со комплименти и романтика токму во периодот од 5 до 29 април.

Особено „жежок“ ден е 8 април, кога ќе има целосно затемнување на Сонцето, а и млада месечина во вашиот знак. Можно е да прославите со свршенички прстен на раката, за вест за бременост или пак за првпат да се запознаете со родителите на саканиот или тој со вашите. Во секој случај, ве очекува издигнување на врската на следното ниво.

Од 30 април до 9 јуни ќе имате зголемено либидо, за што вашиот сакан ќе биде особено среќен. За многуте незаборавни интимни ноќи заблагодарете му се на Марс.

Најдобриот период за љубов за вас ќе биде од 11 јули до 5 август, кога Венера, планетата на љубовта и убавината, ќе патува низ вашата 5-та куќа на страста. Ќе се чувствувате како фатална заводничка, затоа што многумина ќе ви покажуваат дека силно се привлечени од вас. Ова е период кога љубовните фантазии стануваат реалност.

На 17 октомври ќе уживате во супермесечина заедно со полна месечина во вашиот знак. Ова е ден за љубовни изненадувања и заокружување на силни љубовни приказни. Што велите за ненадејна свршувачка или неочекуван предлог за живеење со партнерот под ист покрив. Сингл овните ќе имаат сериозна шанса за романса.

Сатурн цела 2014 година ќе ве набљудува од вашиот сектор на завршетоците и ослободувањето, терајќи ве да им ставите крај на сите врски кои ве измачуваат и да се отворите за нови, поубави. Ако врската ви станала загушлива или сте престанале да го гледате партнерот со искра во очите, учителот Сатурн ќе ве поттикне да ставите точка на тоа поглавје и да свртите нов лист. Но, доколку сте среќни во врската, Сатурн ќе ви донесе исполнување на фантазиите, кои ќе ви бидат полуди отсекогаш, во позитивна смисла.

Нептун во текот на целата година ќе патува низ риби и ќе ве охрабри да бидете поотворени со саканиот. Иако секогаш се стремите да покажувате цврстина, сега честопати ќе покажувате ранливост, а тоа ќе ве зближи со партнерот. Ќе ве радуваат долги, искрени разговори кои ја разголуваат душата.

Пари и работа

Отворете ги рацете за успеси, признанија и награди. Од 4 јануари до 13 февруари Марс, вашата планета-владетел, ќе патува низ вашата десетта куќа на амбициите и кариерата, што значи дека ќе ја започнете 2024 година уживајќи во финансиска стабилност и присвојувајќи што поголема моќ.

За успешен старт на годината ќе придонесе и Меркур, планетата на комуникацијата, кој од 14 јануари до 5 февруари ќе се движи низ вашата куќа на кариерата. Силно ќе влезете во новата година со низа успешни преговори. Ќе бидете семоќни кога станува збор за презентации или убедување, очекувајте тоа да се одрази позитивно и на вашата банкарска сметка.

Во потрага сте по работа? Фантастичен ден е 8 мај, кога ќе настапи млада месечина во вашиот сектор на парите и работата. Ќе добиете понуда за каква што се сонувале.

На 26 мај Јупитер, планетата на среќата, ќе премине во вашата 3-та куќа на комуникацијата. Ќе бидете безгрешни во деловната комуникација. Секогаш ќе можете да извлечете повеќе за себе и ќе бидете пресреќни поради многуте успеси кои ќе ги нижите.

Уран, планетата на автентичноста, до 1 септември ќе патува директно низ вашиот сектор на парите и работата. Искористете ја оваа година за да натрупате мало богатство и да ја насочите кариерата на вистинската патека кон успехот. Имате огромна космичка поддршка да исполните огромни цели.

Од 2 до 24 април не дозволувајте никој да ве избрзува при потпишувањето на договори. Пред да го ставите својот потпис на што било, детално прочитајте ги условите, бидејќи ризикувате да останете финансиски оштетени.

На 8 април нè очекува целосно затемнување на Сонцето коешто неочекувано ќе ви донесе голема шанса за заработка. Некои овни може дури да одлучат да започнат свој бизнис.

Прстенестото затемнување на Сонцето кое ќе се случи на 2 октомври ќе ве турне кон врвот со молскавична брзина. Околу овој датум ќе завршите екстремно важен проект или ќе го составите тимот од соништата со кој ќе наздравувате за многу успеси.

На претпоследниот ден од 2024 година настапува млада месечина во јарец, вашиот сектор на амбициите и кариерата. Под нејзино влијание, ќе бидете мотивирани да си поставите големи цели, кои ќе бидете убедени дека можете да ги постигнете.

Здравје

2024 ќе ви помине без поголеми промени на здравствен план. Нема да имате големи кризи кога е во прашање енергијата, а ќе се радувате на емотивна стабилност. Ќе чувствувате внатрешна смиреност и хармонија, благодарение на Нептун кој ќе продолжи да патува низ вашиот сектор на потсвеста. Внимавајте повеќе на вашето психичко здравје во периодот од 2 јули до 8 декември, кога Нептун ќе се движи ретроградно.

Строгиот Сатурн ќе ви ја подобри дисциплинираноста и нема да ги прескокнувате превентивните лекарски прегледи, а исто така ќе издвојувате повеќе време за приготвување на поздрави оброци. Во периодот од 29 јуни до 15 ноември Сатурн ќе се движи ретроградно, па не е лоша идеја во тој период да си направите крвна слика.

Некои овни може да се соочат со дентална потешкотија, но тоа ќе биде краткотраен проблем со забите кој лесно ќе се разреши.

Општи карактеристики за овен

Овенот е управуван од Марс, црвената огнена планета, која е симбол на енергијата и виталноста. Во митологијата Марс е бог на војната и агресијата. Марс исто така го управува и знакот шкорпија, но овенот е војникот, а шкорпијата стратегот. Ако сте припадник на знакот овен, тогаш вие го поседувате натпреварувачкиот дух на митолошкиот владетел, кој ви помага по патот кон успехот. Секој проект под ваше раководство е успешен, но често знаете да бидете горделиви и нетолерантни. Сите тие ваши карактеристики ви помагаат да ги постигнете вашите цели.

Вие сте родени да бидете број еден. Сакате да демонстрирате сила, индивидуалност, сигурност и самоувереност. Вие сте пионерите на хороскопот и секогаш се насочувате кон освојување на нови хоризонти. Секогаш сте во центарот на вниманието и ги инспирирате луѓето со својата самодоверба.

Не сакате да бидете сами, многу често сте егоисти и барате големо внимание, а кога нема да го добиете веднаш надвладува лошото расположение. За среќа, ретко имате проблеми во привлекувањето на вниманието.

Во љубовните односи сте многу романтични. Умеете да уживате во секоја минута, страсни сте и никогаш не го разочарувате партнерот. Страв ви е од досадата и спремни сте да го оставите вашиот партнер, ако страста во вашата врска исчезне.

Како огнен знак вие сакате да одговарате на предизвиците со дела, а не емоционално или интелектуално. Најголемата ваша слабост е што многу често се откажувате пред самиот крај, особено кога сте избрзале и не сте размислиле пред да започнете.

Секогаш кога не можете да ги контролирате работите и вашиот живот станувате неподносливи. Понекогаш по малку се однесувате „шефовски“, особено кога работите не се одвиваат по ваша волја. Но, дозволете од време на време и некој друг да ја преземе водечката функција, во спротивно се оддалечувате од потенцијалните сојузници. Фокусирајте ја вашата натпреварувачка енергија кон цел достојна за еден лидер, делегирајте задачи на вашата војска и брзо ќе го достигнете врвот.

Симбол:
Овен

Симболизира:
Почеток, авторитет, насилство, амбиција, сексуална енергија, импулсивност, младост, мажественост.

Елемент:
Оган

Планета:
Марс - планетата на војната и енергијата.

Ден од седмицата:
Вторник

Боја:
Црвена

Број:
1, 7 и 9.

Скапоцени камења:
Рубин, дијамант, гранат, аметист.

Најдобри професии:
Војници, управници на фирми, лидери, спортисти, месари, инженери, производители на оружје, натпреварувачи со автомобили и сè што е поврзано со ризик и предизвици.

За да се спријателите со нив:
Не им се спротивставувајте. Пробајте да го следите нивниот ритам!

Дел од телото:
Глава, лице, горните заби.

Добри карактеристики:
Енергични и динамични, борбени, страсни, ентузијасти, оригинални, охрабрувачки и херојски настроени, незапирливи, посветени, грижливи, реагираат брзо, веруваат во своите способности и не се плашат од бариерите, имаат голема самодоверба и самодисциплина.

Лоши карактеристики:
Горди, егоцентрични, импулсивни, тврдоглави, невнимателни, љубоморни, непостојани, нетолерантни, агресивни, им недостигаат дипломатски способности.

Карактеристики по кои ќе ги познаете:
Високо чело; агресивно поведение.

Омилени работи:
Видео игри, нова облека, патувања во брзи коли, логички игри, да им се обрнува внимание, да разговараат.

Работи кои ги мразат:
Зборот „не“, да делат работи со некој друг, да бидат игнорирани, тесни места, да губат.

Можете да ги најдете:
Обидувајќи се да победат на „Music idol“; работејќи напорно за црн појас; пишувајќи и продуцирајќи соло албум.

Скриена желба:
Да бидат број еден!

Анкета

Анкета
Дали си имате направено естетска корекција на лицето?
  • 10%
  • 26%
  • 64%
Се испраќа...

(Вкупно: 8893 гласа)

Цитат

Животот е како монета. Можете да ја потрошите како сакате, но можете да ја потрошите САМО ЕДНАШ.

Лилиен Диксон

Виц

Брачните расправии се како да читаш „Правила и услови за користење“ на интернет.

На крајот посекако завршуваш со: „Се согласувам“.