Нела Манческа ќе ја претставува Македонија на Детската Евровизија со песната „Miracle“.
Баладата штотуку беше објавена на YouTube каналот на „Junior Eurovision Song Contest“. Песната, која е дело на Лазар Цветкоски (музика) и Магдалена Цветкоска (текст), „носи силна и инспиративна порака – дека сите ние носиме светлина во себе“.
Слушнете ја и „почувствувајте ја магијата на ‘Miracle’“:
„Нела Манческа има 13 години и доаѓа од Скопје. Младата пејачка се истакна со нејзините извонредни вокални способности, музичка зрелост и впечатливо сценско присуство. Нела веќе има стекнато признание за нејзиниот глас, освојувајќи повеќе музички натпревари на меѓународно ниво, силен доказ за нејзиниот талент и посветеност кон музиката. Со својот глас, харизма и неисцрпна енергија, Нела е подготвена да ја претставува Северна Македонија во Тбилиси 2025 и да ги освои срцата на гледачите ширум светот“ – стои на сајтот на „Junior Eurovision Song Contest“.
