Април е месец посветен на лицата со аутизам. По тој повод, Apple ја сподели приказната за Дилан, 16-годишен тинејџер кој до пред извесно време бил целосно затворен во себе, бидејќи не можел вербално да се изрази.
Благодарение на технологијата, Дилан доби глас. Користејќи го својот iPad, тој може да ги искаже своите мисли и да се ослободи од ограничувањата кои му ги наметнува аутизмот.
„Тоа што добив глас промени сè во мојот живот. Нема повеќе изолација. Конечно можам да разговарам со луѓето кои ме сакаат. Можам да кажам што мислам и да им дадам до знаење дека и јас ги сакам“ – вели Дилан во видеото.
„Како негова мајка, можам да кажам дека најневеројатно нешто е одеднаш да започнеш да го слушаш гласот на своето дете. Да не можеш да зборуваш не е исто како да немаш што да кажеш“ – признава мајката на Дилан, Теми.
