Каролина Гочева и Михаил Корубин ја истражуваат „Земјата на изгрејсонцето“.
Македонскиот пар отпатува во неповторливото Токио и ужива во динамични неонски светла и билборди, незаборавна уметност и неверојатна храна.
45-годишната музичка ѕвезда и 39-годишниот уметник го доживеаја хаосот на раскрсницата Шибуја и впиваа инспирација во извонредните музеи каде се одушевуваа и на делото „Сончогледи“ на Винсент ван Гог.
Двојката, која е во брак 8 години, се насладуваше и на јапонски специјалитети, а се релаксираше шетајќи низ совршено чистите и уредени улици и паркови на комплексниот мегалополис.
