Кој не сака да апсорбира животни лекции од најдобрите?
Најпознатата колумна на Реџина Брет, авторка на бестселери, колумнистка и мотивациски говорник е исполнета со кратки, но драгоцени совети.
Текстот е листа од животни лекции кои 59-годишната Брет ги напишала пред да наполни 45 години, а која ја дополнила со уште 5 лекции пред да го прослави својот јубилеен 50. роденден.
„Со цел да го прославам моето стареење некогаш напишав 45 лекции на кои ме научи животот. Тоа е најбараната колумна која некогаш сум ја напишала. Кога мојот одометар ја помина 50-ката, ја ажурирав (со дополнителни 5 лекции)“ – вели таа.
Текстот со години е споделуван на социјалните мрежи и често погрешно се тврди дека животните правила се дело на 90-годишна старица.
- Животот не е фер, но сепак е убав.
- Најважниот сексуален орган е мозокот.
- Ти и само ти си одговорен за твојата среќа, никој друг.
- Кога сите би ги фрлиле проблемите во свој куп и би ги погледнале куповите на другите, веднаш би ги зграпчиле своите назад.
- Кога се колебаш, едноставно направи го следниот мал чекор.
- Животот е премногу краток за да си трошиш време мразејќи некого.
- Кога е чоколадото во прашање, давањето отпор е залудно.
- Помири се со минатото, за да не му дозволиш да ти ја уништи сегашноста.
- Ако некоја врска треба да биде тајна, ти не треба да бидеш дел од неа.
- Не се сфаќај себеси премногу сериозно. Никој друг не го прави тоа.
- Исплаќај ги долговите од кредитните картички секој месец.
- Не мора да бидеш победник во секоја расправија.
- Плачи пред некого. Тоа е многу полековито отколку да плачеш сам.
- Нема ништо лошо во тоа да му се лутиш на Бог. Тој може да го издржи тоа.
- Штеди за кога ќе се пензионираш. Започни уште со првата плата.
- Нема ништо лошо во тоа твоите деца да те видат како плачеш.
- Не го споредувај својот живот со животот на другите. Не можеш да знаеш какво е нивното патување.
- Сè може да се промени додека да трепнеш. Но, не грижи се, Бог никогаш не трепнува.
- Животот е премногу краток за долги и тажни разделби.
- Можеш да надминеш сè ако се посветиш на тоа денес.
- Писателот пишува. Ако сакаш да бидеш писател, пишувај.
- Никогаш не е предоцна за да имаш среќно детство. Но, второто детство зависи единствено од тебе.
- Кога се стремиш кон она што го сакаш во животот, не прифаќај „не“ како одговор.
- Запали ги свеќите, искористи ги убавите чаршафи, облечи си ја специјалната долна облека. Не ги чувај за посебни прилики. Денешниот ден е специјален.
- Издвој време за подготвување, а потоа препушти им се на моментите.
- Покажи ексцентричност сега. Не чекај да остариш за да носиш пурпурна боја.
- Мисли за секоја таканаречена трагедија на следниов начин: „Дали ова ќе ми биде важно по пет години?“
- Секогаш избирај живот.
- Опростувај секому сè.
- Не е твоја работа што мислат другите за тебе.
- Времето лекува речиси сè. Дај му време на времето.
- Независно дали некоја ситуација е добра или лоша, таа ќе се промени.
- Работата нема да се грижи за тебе кога си болен. Твоите пријатели ќе го направат тоа. Комуницирај со нив.
- Верувај во чуда.
- Бог те сака поради она што Бог е, а не поради нешто што си направил или не си направил.
- Она што нема да те убие навистина ќе те направи посилна личност.
- Остарувањето ја победува алтернативата да умреш млад.
- Твоите деца имаат само едно детство. Направи го незаборавно.
- Прочитај ги псалмите. Тие ги опфаќаат сите човекови емоции.
- Излегувај надвор секој ден. Чуда те очекуваат насекаде.
- Не го анализирај животот. Учествувај и искористи го максимално.
- Ослободи се од сè што не е корисно, убаво и радосно.
- На крајот на краиштата, она што е навистина важно е дека си сакал.
- Зависта е загуба на време. Веќе имаш сè што ти треба.
- Најдоброто допрва следува.
- Независно како се чувствуваш, стани, дотерај се и покажи се пред светот.
- Диши длабоко. Тоа го смирува умот.
- Ако не побараш, нема да добиеш.
- Давај.
- Животот не е врзан со панделка, но сепак е подарок.
