Памела Џејкобс има 52 години, но изгледа дваесетина години помлада. Со својот изглед, младоликата Британка привлече огромно внимание.
Многупати Џејкобс, која има 21-годишен син, била обвинувана дека лаже за својата возраст. Пред две години, кога доживеала сообраќајна несреќа, медицинската сестра не можела да поверува дека пред неа е жена која е во шестата деценија од животот.
Памела вели дека тајната на нејзиниот изглед е мешавина од добри гени, здрава исхрана, вежбање и кокосово масло.
„Јас сум голема обожавателка на кокосово масло. Мајка ми го користеше за косата и кожата кога бев помлада, па јас продолжив. Користам органско кокосово масло за готвење, во кафето, за отстранување на шминка, за третмани за коса и за нега на телото двапати дневно“ – вели таа.
Кога станува збор за исхраната, Памела вели дека избегнува леб и тестенини. „Го следам правилото 80/20“ – објаснува таа. Тоа подразбира 80% од внесената храна да е здрава, а 20% од храната да е „честење“ со вкусни задоволства.
„Сметам дека тајната на вечната младост е да се смееш секој ден“ – вели Памела, која следниот месец ќе го прослави својот 53. роденден.