Џесика Алба отпатува во Париз за да биде сведок на модното шоу кое Џамбатиста Вали го приреди за да ја претстави својата нова колекција.
На ревијата одржана во рамките на Париската недела на високата мода, 34-годишната холивудска ѕвезда се појави во краток фустан од колекцијата ресорт 2016 на Вали. И покрај високите температури, Алба носеше високи чизми од Стјуарт Вајцман.
За време на краткиот престој во градот на светлината, славната актерка присуствуваше и на балот „Flower Obsession“, организиран од Вали и козметичкиот бренд M.A.C.. Стилскиот избор на Алба одлично се поклопуваше со темата на свеченоста и се разбира, доаѓаше од ателјето на Вали.