Џенифер Лопез повторно предизвика одушевување кај своите обожаватели. Славната пејачка сподели фотографија на која позира во бели бикини и за само 14 часа собра речиси 7 милиони лајкови.
Многумина се едногласни дека 50-годишната ѕвезда изгледа неверојатно за својата возраст, а сето тоа се должи на нејзините напорни фитнес тренинзи.
„Релаксирана и со полни батерии“ – напиша таа во описот.
Џеј Ло постојано вежба заедно со својот вереник Алекс Родригез.
Џенифер и Алекс си го честитаа Денот на вљубените со емотивни пораки и видеа на Instagram.
„Да сакаш и да бидеш сакан. Тоа е среќа. Вие ми го исполнувате срцето и те сакам премногу. Среќен Ден на вљубените. Мачо, ти ми ги остваруваш најголемите соништа“ – напиша Лопез.
„Среќен Ден на вљубените на жената која ме прави подобра личност, на мојата шампионка и суперѕвезда. Секој ден со тебе е благослов и јас сум пресреќен“ – е дел од пораката на Алекс.
