Дани Димитровска и нејзиниот избраник Горан Веселиновски - Весел во саботата организираа свадбена прослава во познат скопски ресторан, само неколку дена по склучувањето на граѓански брак.
За првиот дел од вечерта, 46-годишната невеста избра венчаница во свој препознатлив стил - свилен корсет со кафено ременче и долго плисирано здолниште. Младоженецот се појави во сиво одело и бела кошула, комбинирани со патики за полежерен изглед.
Атмосферата ја разиграа нејзините колеги Ѓоко Таневски и Наум Петрески, додека гостите ја споделија веселата енергија преку социјалните мрежи.
Еден од најемотивните моменти беше валцерот на Дани со нејзиниот син Лазар од претходниот брак.
Кулминација на вечерта беше сечењето на уникатната торта украсена со огромно црвено срце и „фигури кои танцуваат“. Вториот фустан на невестата беше асиметрична креација во шампањ боја и впечатливи светкави детали.
