Меланија Трамп повторно привлече внимание со својот стилски избор, овој пат на државниот банкет во Виндзор во чест на нејзиниот сопруг, претседателот на САД, Доналд Трамп.
За свечената вечера организирана од кралот Чарлс и кралицата Камила, Првата дама избра впечатлив жолт фустан со долги ракави и откриени рамена, креација од модната куќа Carolina Herrera. Овој стајлинг на Меланија предизвика спротивставени мислења кај јавноста и модните критичари.
Додека едни ја опсипуваа Меланија со комплименти, други го критикуваа нејзиниот стилски избор.
„Коланот е големо НЕ“, „Меланија е многу убава во овој фустан, но несоодветно е да ги покажува рамената“, „Фустанот е грозен“, „Тој жолт фустан на кого било не можеше да биде понесоодветен. Тоа е државна вечера, а не ноќен клуб. Толку е срамно“, „Мислам дека Меланија, која секогаш се облекува совршено, во оваа пригода е во погрешна облека или го направи тоа намерно од некоја непозната причина“ – беа дел од критиките насочени кон Меланија.
Сепак, покрај негативните коментари, имаше и интернет корисници кои заклучија дека Меланија е преубава.
„Убавица“, „Го обожавам фустанот на Првата дама“, „Сите изгледаат прекрасно“, „Претседателски пар најубав на светот“, „Кејт и Меланија, многу елегантни и преубави“ – се дел од комплиментите.
