Софија Вергара ја имаше честа да ја добие 2.551-вата ѕвезда на холивудската Патека на славните. 42-годишната актерка со огромна насмевка го прими признанието, а беше придружувана од својот свршеник Џо Манганиело.
Софија Вергара и Џо Манганиело
Згодната Колумбијка изгледаше како божица во златен брокатен фустан од Ромона Кевеза и накит од Нил Лејн.
„За мене е неверојатно што стојам тука денес со вас. Немам ништо што да кажам, освен благодарам. Најпрво им се заблагодарувам на „Modern Family“, ако тие не ја измислеа Глорија Причет, јас немаше да бидам тука. На овој прекрасен лик му должам сè што имав шанса да направам на американскиот пазар“ – рекла Вергара.
На церемонијата присуствуваа и родителите на Вергара и нејзиниот 22-годишен син Маноло, а поддршка доби и од колегите од серијата „Modern Family“, Џули Бовен, Ед О’Нил, Ерик Стоунстрит и продуцентот Стивен Левитан.
Софија Вергара со својот син Маноло
Софија Вергара, Џули Бовен, Ед О’Нил и Ерик Стоунстрит
Софија Вергара со своите родители
