Алиса Милано му го претстави на светот своето прво дете. На фотографијата, 38-годишната мајка исполнета со гордост во очите нежно го држи во рацете малиот Мајло Томас, кој дојде на свет пред еден месец.
Алиса Милано и Мајло Томас
Во интервју за списанието Us Weekly, актерката позната од серијата „Волшебнички“ споделила дека мајчинството не ѝ претставува проблем и дека се справува одлично.
„Сè врви одлично. Дејвид ми рече: Исто како да си падната од планетата на мајките. На тоа јас му одговорив: Не, тој е толку добро бебе, што прави да изгледам така“ – изјавила Милано.
Очигледно Алиса е на седмо небо, а тоа се должи и на нејзиниот сопруг, Дејвид Буглиари. „Нема ништо толку убаво како глетката на мажот што го сакаш со твоето дете“ – признала таа.
Откако беше објавена фотографијата со Мајло, Алиса побрза да им се заблагодари на своите обожаватели за убавите зборови. „Бебето Мајло вели благодарам за сите слатки зборови и добите желби“ – напиша таа на Twitter.
