Рис Витерспун има нова книга за деца. 46-годишната актерка ја промовираше „Busy Betty“ и по тој повод беше гостинка во неколку телевизиски емисии.
За гостувањата, Витерспун импресионираше со модните комбинации. Таа избра живи бои кои совршено одговараат на нејзината руса коса и топлата широка насмевка.
Во „The View“ Рис носеше виолетов фустан со долги ракави од Оскар де ла Рента. Својот стајлинг, таа го надополни со чантичка од Ботега Венета и обувки од Кристијан Лобутин.
За нејзиното појавување во „Good Morning America“ и „Today Show“, Рис избра костуми во сина и портокалова боја од Александар Меквин.
За „The Tonight Show“, холивудската ѕвезда се одлучи за црн фустан со паднати раменици кој зрачи со вечерна елеганција. Креацијата исто така е дело на Александар Меквин.
Busy Betty е илустрирана книга, во која се раскажува за Бети. Ова љубопитно и креативно девојче постојано си наоѓа занимации. Кога ќе го прегрне нејзиното куче Френк сфаќа дека мора да го избања, бидејќи е насмрдливото куче на светот. Но, ќе сфати дека оваа мисија е потешка отколку што си замислуваше. Затоа, со помош на другарка ѝ Меј, заедно ќе успеат да го избањаат Френк.
Пораката која Рис сака да ја пренесе со книгата е дека сè може да се постигне со тимска работа.
Рис Витерспун досега ги има објавено следните книги: „Homegrown“, „Whiskey in a teacup“ и најновата „Busy Betty“.
