Почина младиот бизнисмен Душко Чифлиганец, синот на Ванчо Чифлиганец, по повреди во мото-трка

Душко Чифлиганец прерано го напушти овој свет. Младиот бизнисмен почина како последица на повредите во мото-трка во Брно, Чешка.

Заменик претседателот на Adora Business Group се здобил со тешки повреди на главата и покрај укажаната медицинска помош, не преживеал.

„Душко Чифлиганец по повеќе од 24 часа борба, не успеа да преживее. Нека почива во мир, огромна загуба... огромна“ – напиша Кристијан Ландов.

Душко беше голем ентузијаст и љубител на мотоцикли и автомобили и учествуваше на меѓународни натпревари за брзински мотоциклизам. Познатиот син на Ванчо Чифлиганец, кој извесно време беше во центарот на вниманието на македонските медиуми со врската со Ева Заева, се едуцираше и живееше во Дубаи.