Победниците на MTV VMA 2014

Актуелните музички ѕвезди се собраа во Инглвуд, Калифорнија, по повод доделувањето на видео музичките награди на MTV.

Како што и се очекуваше, Бијонсе ја прими значајната награда „Мајкл Џексон“, но исто така таа си замина со уште три статуетки, меѓу кои една и за соработката „Drunk In Love“ со сопругот Џеј Зи.

Бијонсе

Мајли Сајрус беше другата голема победничка на вечерта, бидејќи во нејзини раце заврши наградата Видео на годината за спотот за „Wrecking Ball“.

Наградата Најдобар спот на женски изведувач ја доби Кети Пери за „Dark Horse“, додека Ед Ширан со спотот за „Sing“ победи во категоријата Најдобар спот на машки изведувач.

Кети Пери и Џуси Џеј

Ед Ширан со режисерот Емил Нава

Лорд стана првата пејачка во историјата на MTV VMA која ја има освоено наградата Најдобро рок видео. 17-годишната ѕвезда победи со видеото за хитот „Royals“, иако многумина се согласуваат дека песната не припаѓаше во категоријата во која беше номинирана.

Лорд

Аријана Гранде е добитничка на наградата Најдобро поп видео за видеозаписот за „Problem“ со Иги Азалија.

Аријана Гранде