За време на Фестивалот на музика од светот во Битола, покрај трите концерти, се одржаа и неколку забави во локалните кафулиња.
Во рамките на офф-програмата, битолската публика имаше можност да ужива и во настапите на Love Itoya и Saso Recyd.
Во кафичот Порта Џез, Love Itoya ги разигра и распеа присутните. Love Itoya е пејачка и танчерка која е родена во Грција, а нејзините родители се од Нигерија.
Вечерна пост-фестивалска забава во Јагода ни подготви еден вистински уметник во електронската музика. Од меланхолија и мистика до современ и необичен звук, Saso Recyd го привлекува вниманието на најпребирливите техно љубители во изминатата деценија. Сашо припаѓа на првата генерација продуценти на електронска музика во Македонија.
Фото: Ивона Кочов
