Ештон Кучер и Мила Кунис ја крунисаа својата љубов со брак. Приватната церемонија на која присуствувале блиски пријатели и роднини на парот се одржала изминатиов викенд.
Славниот пар се запозна за време на снимањето на серијата „That '70s Show“ и осум сезони работеше заедно. „Мојот прв вистински бакнеж беше со него во шоуто“ – изјави неодамна Кунис. „Сите ние имаме симпатија филмска ѕвезда. Јас ќе се омажам со мојата“ – додала таа.
Ештон и Мила станаа родители во октомври минатата година. Четири месеци по раѓањето на Вајат Изабел, парот ја прослави својата свршувачка.