„Медена земја“ додаде уште една статуетка во својата колекција на признанија. Македонскиот документарен филм беше награден на овогодишното издание на „Златна бубамара на популарноста“.
На синоќешната манифестација, на филмската екипа ѝ беше врачена наградата за Најголем интернационален успех.
Покрај режисерката Тамара Котевска и кинематограферот Фејми Даут, на сцената се појавија и главната протагонистка Атиџе Муратова и семејството Сам од селото Бекирлија.
Целиот тим доби петминутни стоечки овации.
Веселата Атиџе запеа на сцената.
ФОТО: Александар Буневски / Femina.mk