Принцот Вилијам и војвотката Кетрин го соопштија името на новородената ќерка. Британската принцеза го доби името Шарлот Елизабета Дијана.
Кралскиот пар го избрал името Елизабета во чест на бабата на Вилијам, сегашната кралица Елизабета II, а името Дијана во чест на мајката на Вилијам, покојната принцеза Дијана.
Името Шарлот има француско потекло и е женска верзија на Чарлс, со што му се оддава чест на принцот Чарлс.
Малото девојче ќе биде нарекувано принцезата Шарлот од Кембриџ.
Кетрин се породи во саботата во 8.34 часот по локално време и истиот ден ја напушти болницата „St. Mary“ во Лондон.