Каролина Гочева беше протагонитската во последното поглавје од музичката приказна во чест на Тоше Проески и Аки Рахимовски која синоќа ја разнежи битолската публика.
Шармантната пејачка со хитовите „Игри без граници“, „Jesen u meni“ и „Немир“ го заокружи концертот „Засекогаш во срцата“.
На сцената во нејзиниот роден град, талентираната музичарка пленеше со едноставна елеганција. Нејзиниот стајлинг спојуваше елегантен црн костум, отмени салонки и накит од италијанскиот бренд Rebecca. Имено, станува збор за две ланчиња кои ѝ се особено драги и за кои има изјавено: „Не се двојам од ланчето со имињата на моите внуки кое припаѓа на колекцијата MyWorld Silver кое често знам да го искомбинирам со ланче со иницијалот „К“ кој го добив за подарок од своја драга пријателка“.
„Вечерва сме во овде во чест на нашите музички великани, двајцата многу уникатни, двајцата посебни, совршени изведувачи и не можете да замислите колкава одговорност е за нас како изведувачи повторно да ги изведеме песните кои имаат веќе имаат своја совршена верзија. Сакам да се заблагодарам на Владимир за поканата, исто и на Центарот за култура. Многу ми се допадна идејата, мислам дека ова е многу убав и достоинствен начин да се сочуваат од заборав. Почнуваме со најубавата и најтажната“ – рече Каролина пред да ја испее со многу чувства баладата „Игри без граници“.
„Игри без граници“
На концертот настапија и Ламбе Алабаковски, Димитар Андоновски, Александра Јанева, Александар Тарабунов, Јана Бурчевска, Виктор Апостоловски, Нико Ѓоргиевски и Бојан Стојков.
