Дејвид и Викторија Бекам прославија уште една годишнина. Популарниот пар одбележа 16 години од стапувањето во брак со фамилијарна фотографија.
41-годишната дизајнерка сподели фотографија на социјалните мрежи и испрати порака до својот сакан.
„Среќна годишнина, те сакам многу. Горда сум со нашето прекрасно семејство“ – напиша Викторија на Instagram.
На фотографијата, Викторија и Бекам гордо позираат зад четирите деца – 16-годишниот Бруклин, 12-годишниот Ромео, 10-годишниот Круз и 4-годишната Харпер.
И Дејвид не пропушти да го одбележи значајниот ден. „Пред 16 години, на овој ден беше нашиот специјален ден... 16 години подоцна ги имаме нашите убави деца... Ти благодарам што ми ги даде нашите неверојатни малечки... Среќна годишнина“ – напиша тој и објави стара фотографија со Викторија.
Парот стапи во брак на 4 јули 1999 година во Ирска.