Калиопи Букле денес ќе дувне 55 свеќички на роденденската торта.
По повод својот роденден, македонската музичка ѕвезда објави фотографии и снимки почнувајќи од детството, па сè до денес.
„Здраво мои луѓе! Ајде да прославиме за нов почеток преку моите 55 години живот! Бидејќи годините се само бројка и помислата за возраста е тоа што нè рефлектира нам во огледалото, начинот на кој сакаме да се гледаме себеси! Како јас се гледам себеси? Се гледам себеси како времето да не постои!“ – стои во описот.
Во позадина се слуша нејзината песна „Rodjendan“, која е напишана од нејзиниот поранешен сопруг Ромео Грил. „Фала ти Ромео за оваа роденденска химна“ – дополни таа.
