Вин Дизел се погрижи неговото појавување на премиерата на „xXx: Return of Xander Cage“ да не остане незабележано. 49-годишниот актер со хеликоптер слета на црвениот тепих каде го пречекаа неговите славни колешки од новиот филм.
На филмскиот настан во Лондон, Дизел позираше пред фоторепортерите со Нина Добрев, Руби Роуз, Депика Падуконе и Хермиона Корфилд.
На прикажувањето на филмот, Нина се појави со нова фризура. 28-годишната актерка со бугарско потекло шармираше во краток фустан од Зак Позен, сандали од Кристијан Лобутин и чантичка од Џими Чу.
За свеченоста во британската престолнина, Руби својот изглед ѝ го довери на модната куќа Balmain. Колорината креација од колекцијата пролет/лето 2017 на францускиот бренд, 30-годишната актерка ја искомбинира со обувки од Џузепе Ѕаноти.
Депика, која се вбројува меѓу актерките со најголема заработка, заведуваше во црвен долг фустан од Стела Мекартни.
Хермиона зачекори на црвениот тепих во црн фустан со впечатлив горен дел од Blumarine.
