Боби Мојсовски со три фантастични настапи ја забавуваше публиката во „Комбанк арена“ во Белград на финалето на „X Factor Adria“.
Македонскиот изведувач ја започна вечерта со моќна изведба на „Полско цвеќе“ од легендарниот Тоше Проески. Емотивната балада му помогна да ја помине првата елиминација и да влезе во Топ 4.
Во вториот круг, Боби ги покажа своите вокални способности со незаборавната „Show Must Go On“ од рок бендот Queen.
За финалната битка во суперфиналето на музичкото шоу, Боби ја избра „Bed of Roses“ од Џон Бон Џови.
Иако беше болен од бронхитис, Боби даде максимум од себе во борбата за титулата победник. Сепак, на крајот големиот чек заврши во рацете на Амел Чуриќ.
