Адел многу успешно стои во сенката на медиумските рефлектори и многу ретко е активна на социјалните мрежи. Токму затоа нејзините обожаватели беа многу пријатно изненадени што талентираната музичарка сподели нови фотографии.
33-годишната ѕвезда го одбележа роденденот со три фотографии, од кои на првата позира во природно издание и ја покажува тетоважата на раката, на втората е на тропски одмор, а на третата – танцува безгрижно во фустан од Altuzarra.
Многу од фановите ја опсипаа со комплименти за изгледот, но и со прашања кога да очекуваме нова музика. Адел потенцира дека не е многу блиску премиерата на албумот. „Короната не е завршена. Во карантин сум. Носете маска и бидете трпеливи“ – одговори таа.
Исто така, не се малку коментарите кои се однесуваат на нејзината фигура. Адел драстично си го трансформира изгледот откако „стопи“ над 40 килограми.
Минатиот месец таа беше „уловена“ на постоскаровска забава.
