Врската меѓу домашните миленици и нивните сопственици е силна, а тоа го покажува и случајот на мајка од Калифорнија која се породи на ист ден со своето куче.
Ками Клингбејл била во болница подготвена да се породи, кога добила повик од татко си кој ѝ кажал дека и нејзиното куче минува низ породилниот процес. На 12 август, среќната мајка го донесе на овој свет своето синче Брајдон, а кучето Делија роди девет мали кученца.
Семејството Килингбејл решило да ангажира професионална фотографка за да им направи слатка фотосесија на 10-те новороденчиња.
Ками и нејзиното семејство задржале само едно од малечките кучиња, а останатите осум биле дадени на посвојување и сите си пронашле дом. „Се надевам дека ќе ги одржиме контактите со сопствениците на кучињата. Би сакале да направиме фотосесија и на шест месеци и на една година“ – изјавила Ками.
