Загрижени родители преку фотографии предупредуваат за скриената опасност во детски чаши со тврдо клунче кое го спречува излевањето на течноста.
Сајмон О’канада, чиј мал син постојано се разболувал, се шокирал кога случајно открил дека внатрешноста на клунчето на детската чаша на неговиот син била полна со мувла.
Поттикнати од неговата приказна, мајките Мери-Пјер и Пени Повел објавија загрижувачки фотографии со мувла во детска чаша од брендот „Tommee Tipee“.
Најлошото е што родителите не можат да видат што има во овој дел од чашата сè додека не го расклопат, а токму тој завршува во устата на детето.
Мајките предупредуваат дека не е важно дали ги миете чашите рачно или во машина, бидејќи во секој случај мувлата останува внатре.
Еве го текстот од објавата на Мери-Пјер:
Мојот пријател Сајмон О’канада се прашуваше зошто неговиот син е постојано болен. Го расклопи клунчето што спречува протекување од неговата „Tommee Tipee“ чаша и откри мувла внатре во делот од кој се пие. Мувлата не може да се измие и не е видлива освен ако делот не се расклопи. Сајмон се јави да се пожали во компанијата и жената која одговори му се изнасмеа. Неколку други мајки исто така открија мувла откако мојата објава беше споделена во други групи, па ви ги споделувам фотографиите.
Објавата на Мери-Пјер стана вирален хит и илјадници мајки започнаа да ги проверуваат чашите на своите најмили и да споделуваат „хорор“ фотографии од она што го пронашле внатре.
Mon ami se demandait pourquoi son fils était toujours malade il a donc briser l'anti-fuite de son verre à bec Tommee...
Posted by Penny Powell on петок, 19 февруари 2016
Откако многу загрижените родители упатија поплаки до компанијата, од „Tomee Tipee“ објаснија дека проблемот настанува кога чашите се користат за течности кои не се препорачани од нив како вештачко млеко, сокови со пулпа или жешки течности и дека чашите треба да се мијат веднаш по употреба.
Според компанијата, родителите не би се соочувале со вакви проблеми доколку ги користат чашите за ладни течности без пулпа.
Од брендот ветиле и дека целосно ќе го променат дизајнот на чашите. Бесплатни чаши ќе им бидат дадени на родителите кои се соочиле со проблем со мувла.
Дополнето:
По објавувањето на нашиот текст, бевме контактирани од претставник на Модиш, ексклузивен дистрибутер на Tommee Tippee за Македонија.
Ви ја пренесуваме во целост нивната реакција:
Почитувани,
На вашиот портал денес беше објавена вест во која е наведено за наводен проблем со чашка од брендот Tommee Tippee.
Нашата компанија Модиш е ексклузивен дистрибутер на брендот за Македонија, и сакаме да ве информираме Вас и вашите читатели дека посочениот производ се увезува со одобрение од Агенцијата за храна и ветеринарсто на РМ со што се потврдува дека производот е безбеден за употреба.
За конкретниот случај е запознаен е производителот и стапил во контакт со родителите за директно да се запознае со проблемот.
На официјалната своја страна има дадено објаснување во кое се објаснува,
Посочената чашка се продава во цел свет и ја користат илијадници корисници,тестирана е и за истата има приложено упатство за користење во кое стои дека може да се користи исклучиво за вода и млеко а никако за течности со пулпа (овошни сокови) топли и газирани пијалоци.
И дека чашката повторно е тестирана во лабораторија со препорачаните течности и резултатот е во ред.
Чашката останува во продажба што е доволен показател дека се во ред ,и се утврдува дека поплаката доаѓа од неправилна употреба на течност која не е соодветна, и во иднина спорната вулва ке се произведува од проѕирен материјал.
Брендот Tommee Tippee е еден од водечките брендови во индустријата за нега и заштита и секогаш стои позади своите производи.
Се надеваме дека нашето писмо ке биде објавено што побрзо, се со цел родителите да бидат информирани дека доколку правилно го користат производот нема зошто да стравуваат.
Ве молиме во иднина да не контактирате за било кое прашање за да читателите имаат можност да ја дознаат и другата страна бидејки не секогаш поплаките се издржани.
Со почит
