Не се ни обидувајте да одолеете на стилот на Тоби, бидејќи слатката дотерана малтешка пудлица веднаш ќе ви го освои срцето.
Модерниот хипстерски изглед го впиша Тоби во листата со најпопуларни домашни миленици на Instagram. Профилот на 10-годишното кученце веќе го следат повеќе од 50.000 корисници на популарната социјална мрежа.
Сопственикот на Тоби постојано споделува фотографии од фотосесиите со слаткото кученце. „Тоби е природен модел и тоа ги прави нашите фотосесии многу забавни и лесни. Се сеќавам кога јас и Тоби бевме во Starbucks и си помислив да му ги ставам моите очила за сонце. Нормално, другите кучиња веднаш би ги турнале, но Тоби седеше мирен. Тогаш ја направив првата фотографија од Тоби со очила“ – изјавил Џојс за Buggsly.