Анегрет Рауник е најстарата родилка на четворка. 65-годишната баба од Берлин, која во мај донесе на свет три момчиња и едно девојче, наскоро ќе ја напушти болницата.
Веста за нејзината бременост ја шокира Германија, а по породувањето докторите се плашеа дека малите бебиња нема да преживеат. Сепак, сите бебиња се изборија за живот, а гордата мајка му ги покажа на светот.
Анегрет, која има уште 13 други деца со пет различни татковци, наиде на многу критики поради упорноста да го проширува своето семејство и покрај тоа што е во седмата деценија во животот. Откако докторите во Германија го одбија нејзиното барање за вештачко оплодување, таа им плати на доктори во украинска клиника за ин-витро постапка со оплодени јајце-клетки од анонимен донор.
Пензионираната учителка сега е мајка на 17 деца и баба на 7 внучиња. Нејзиното најстаро дете има 44 години. „Секој треба да живее како што сака... Ова не е егоизам, не е себичност. Сакам деца – ме одржуваат млада... Моето искуство со мажите беше такво што не го најдов вистинскиот“ – изјавила Анегрет.
Анегрет во 2005 година со своите деца и внуци
