Некои луѓе не им дозволуваат на тешките моменти да ги поразат и фрлат во очај. Фотографката Аманда Чапман пронашла начин како да мами насмевки на лицата на најблиските откако на нејзиниот сопруг му бил дијагностициран рак.
41-годишната Американка, која е мајка на две деца, го започнала проектот „31 ден од Халовин“ во 2012 година за да ја подобри атмосферата во својот дом по страшната вест за болеста. „Започнав да ги создавам серијалите за да ги оттргнам моите мисли од ролеркостерот на стравот и да го развеселам моето семејство“ – рекла таа за BuzzFeed. „Еден ден во првата година од проектот, мојот сопруг се врати дома додека се шминкав за маската Битлџус и започна да се смее до солзи. Тоа ми е спомен кој никогаш нема да го заборавам“ – додала таа.
Аманда секој ден од октомври се маскира во еден од своите омилени ликови. Иако не е професионален шминкер, Аманда постојано ги усовршува своите вештини и учи од грешките. „Разговорите во нашиот дом преминаа од разговори за дијагнозата на мојот сопруг во моабети за тоа која маска е следна“ – вели таа и додава дека не планира да престане со маскирање. „Сè додека тоа го обединува нашето семејство и ни носи радост, ќе го создавам серијалот секоја година“ – дополнува Чапман.
Погледнете ги нејзините неверојатни маски за октомври 2015 година.
Аманда и нејзиниот сопруг, кому во 2012 година му бил дијагностициран рак
