Богати брачни партнери од Бруклин решиле да го продадат својот џиновски дом откако поминале 3 часа дома без да знаат дека и двајцата се таму.
Пред неколку месеци, Стјуарт Лиф, добил повик од сопругата Клер, која го прашала кога ќе се врати дома. Верувале или не, и двајцата биле во својот апартман, мислејќи дека се сами. Но, тоа можеби нема толку да ве изненади ако го знаете фактот дека нивниот апартман се протега на површина од над 1.000 м2, а се состои од шест спални соби, шест бањи, два тоалети, сопствено кино, винарска визба со 3.500 шишиња вино, ѕид за качување и 22-метарска тераса.
Телефонскиот повик од г-ѓа Лиф, бил моментот кога парот одлучил да го продаде своето живеалиште. Апартманот се продава на пазарот за вртоглави 32 милиони долари, што е најголема цена досега побарана за живеалиште во Бруклин.