Запознајте ги Дерен и Филип, слатките „браќа“ питбули кои освоија илјадници срца низ светот со својот изглед, детските аутфити и братската љубов. Мисијата на нивната посветена сопственичка е да го промени мислењето на луѓето дека кучињата од оваа раса се агресивни.
Неразделното дуо од Австралија, кое е познато под името „The Blueboys“, било посвоено од Џенифер и нејзиниот свршеник Лахлан. Парот прво го посвоил Дерен, а една година подоцна го вдомил и Филип.
Џенифер започнала да ги фотографира своите кучиња поради нивните чести прегратки и е решена да покаже дека питбулите не се лоши, како што сметаат многумина. „Започнав да ги фотографирам поради неверојатните начини на кои тие се гушкаа еден со друг. Никогаш не мислев дека ќе станат познати затоа што носат шпикозни, но тие навистина сакаат да носат облека“ – рекла Џенифер.
„Уште од самиот почеток мојата мисија беше да им покажам на луѓето какви се навистина овие кучиња и се надевам дека ќе им го променам мислењето на оние кои мислат дека кучињата од оваа раса се злобни“ – објаснила таа.