Талентирани слаткари создадоа 24 торти во чест на животот и делото на Робин Вилијамс. Секоја од нив претставува по еден од филмските ликови на талентираниот актер.
„Слатката“ соработка „Legacy of Laughter“ се случила на 10 септември, кога се одбележува Светскиот ден за спречување на самоубиства.
„Робин ни покажа на сите нас дека депресијата може да ги засегне и личностите кои најмалку очекуваме. Робин, ти несебично се бореше со своите демони за да им донесеш среќа и смеа на многумина. Ти нè стави нас на прво место и го сподели твојот талент и радоста кон животот не задржувајќи ништо за себе. Ѕвездите не можат да светат без темнина... А твојата ѕвезда ќе продолжи да сјае за сите нас“ – рекла во својата изјава една од учесничките, која го создала ликот на Вилијамс од „Night at the Museum“.
„Мојата борба со депресијата и анксиозноста е главната причина што започнав да декорирам торти. Се надевам дека оваа соработка ќе допре до некого пред да биде предоцна“ – рекол слаткарот Мери Томцак, кој го претставил ликот на Робин од филмот „What Dreams May Come“.
Робин Вилијамс се самоуби на 11 август 2014 година. Тој страдаше од тешка депресија, а непосредно пред смртта му беше дијагностицирана и рана фаза на Паркинсонова болест.
