Родители од Тексас ја почестија својата ќерка со милионска роденденска забава.
Свеченоста на Маја Хенри се проценува дека чини 6 милиони долари, а била организирана од тим од 150 лица. Околу 600 гости присуствувале на забавата на 15-годишната девојка, која носела два фустани од по 20.000 долари.
Само за ангажирањето на раперот Питбул биле платени нешто помалку од еден милион долари, додека за да ја забавува публиката и Ник Џонас биле доплатени уште неколку стотици долари.
„Тоа беше неверојатна ноќ, која никогаш нема да ја заборавам. Многу им сум благодарна на сите кои присуствуваа и на моите неверојатни родители кои буквално ми ги остварија соништата“ – рекла Маја.
Таткото на Маја, кој е адвокат, рекол: „Маја е паметна, амбициозна и неверојатна млада жена. Таа и досега работеше напорно за да стигне каде што е со учењето, тенисот и активизмот. Со мајка ѝ сакавме да ѝ подариме незаборавна вечер.“
Маја со семејството
Маја со баба си и мајка си
