Марселијан Тан е доктор од Малезија кој обожава да патува низ светот. 40-годишниот маж направи серијал со импресивни фотографии од своите авантури низ Кина, Тибет, Индонезија, Италија, Исланд и Мјанмар.
Воден од желбата да ги документира своите туристички искуства, тој започнал да ги проучува тајните на познатите фотографи и до ден-денес постојано го збогатува своето портфолио со прекрасни фотографии.
„Патувањата ме натераа да започнам да се занимавам со фотографија. Судирот со различни култури, различна архитектура, разни пејзажи и различни раси ме поттикна да посакам да правам добри фотографии“ – изјавил тој за Daily Mail.
„Светот е толку убаво место, сакам моите фотографии да ѝ дадат на мојата публика желба за зачувување и заштита на природата“ – вели Тан.