Трејси Вилис е талентирана фотографка и голем љубител на животни. 45-годишната Британка ги фотографира своите миленици и со помош на Фотошоп создава интересни нереални фото-дела.
„Создавањето на овие фотографии ми одзема многу време. Прво треба да ја осмислам идејата, да ја изградам приказната и да ја нацртам. Понекогаш како што ја развивам фотографијата, приказната се менува, а во други случаи го создавам точно тоа што ми е во главата“ – пишува таа на Bored Panda.
Вилис го има отворено својот дом за пет кучиња, два зајаци и три глувчиња.
Креативната мајка на три момчиња има освоено бројни награди на натпревари за фотографија и објаснува дека ваквиот проект ѝ помага да биде покреативна и да го ослободи својот ум.