Принцезата Шарлот зачекори во втората деценија од својот живот.
Единствената ќерка на принцезата Кетрин и принцот Вилијам го прослави 10-тиот роденден. Британскиот кралски пар го одбележа овој специјален ден со објавување фотографија направена во „Lake District“ од страна на принцезата Кетрин.
„Среќен 10-ти роденден на принцезата Шарлот“ – стои во описот.
Речиси секогаш, Кетрин ги потпишува роденденските портрети на нејзините деца.
Покрај Шарлот, Кетрин и Вилијам имаат и две синчиња – принцот Џорџ и принцот Луи. На 29 април, тие ја прославија 14-годишнината од бракот со патување во Шкотска.
