Авантурист, кој верува дека кучињата не би требало да бидат затворени дома, создава прекрасни фотографии на заедничките патувања со својот миленик.
Профилот на Instagram на кучето Локи, кое е мелез од сибирска хаска, маламут и арктички волк, е полн со фотографии во природа благодарение на неговиот сопственик Кели Лунд.
Лунд го создал профилот на Локи, бидејќи му било тешко да ги опише со зборови чувствата и емоциите кои ги има за својот миленик. „Често се изненадувам од тоа колку многу радост можат животните да донесат во нашите животи“ – напишал Лунд на BoredPanda.
„Верувам дека кучињата не треба да ги живеат своите животи во задниот двор или затворени дома. Мразам кога го гледам тоа. Се надевам дека ќе ги инспирираме луѓето да излезат, да го истражат светот и да создадат спомени со своите кучиња“ – објаснил Кели.