Мајка од Кина продава прегратки за да собере пари за лекување на малата ќерка која боледува од леукемија.
Очајната Чен Деѓуен беше фотографирана на метро станица со порака дека една прегратка чини 10 кинески јуани. На фотографиите, веднаш до неа седи малото девојче со маска на лицето, а пред неа има документи кои потврдуваат дека станува збор за вистински случај, а не измама.
Голем број дарежливи минувачи си купиле прегратки и мајката за еден час успеала да собере 600 јуани.
Чен и нејзиниот сопруг дознале дека нивната ќерка има леукемија во мај. За лекувањето на девојчето тие досега имаат потрошено 70.000 јуани. Откако ја потрошиле нивната заштеда и позајмените пари од пријатели и роднини, тие се нашле во безизлезна ситуација, па Чен решила да ја започне својата кампања со прегратки.
Дополнителни донации биле направени од лица кои биле трогнати од постапката на грижливата мајка.