Најголемиот производител на леб во земјава, Жито Лукс, ја прошири својата палета на производи со лансирањето во продажба на уште еден леб во медитеранското семејство – Медитерано со домати и босилек. Мешавината на ладно цедено маслиново масло, суви домати и босилек внесуваат ароматична нота во секој оброк и претставуваат вистинска летна и лесна закуска. Производот не содржи вештачки и прехранбени бои, а обоеноста е резултат на природните состојки.
„Компанијата интензивно работи на развивање на нови вкусови и производи, како од традиционалните така и од специјалните лебови. Медитерано со домати и босилек е четвртиот вид од истоимената фамилија лебови инспирирана од една од најбогатите светски кујни што изобилува со разновидни вкусови и ароми. И овој леб во себе ја има основната состојка на медитеранската кујна, карактеристична за сите лебови од линијата, маслиновото масло кое покрај специфичниот вкус уште и се одликува со голем број особини корисни за човековото здравје и за секојдневно медитеранско уживање“, изјави Лидија Трајковска, Маркетинг менаџер во Жито Лукс.
Медитерано лебот со домати босилек е достапен на парчиња во едноставно и практично пакување, што овозможува продолжена свежина до четиринаесет дена без додаток на конзерванси, постигното со помош на иновативната технологија на пастеризација на леб.
Со секој новитет на компанијата, се трудиме да ги задоволиме и најсофистицираните барања на нашите потрошувачи кои уживаат во различните вкусови леб. Новите лебови произлегуваат од анализата на пазарот и потребата од разновидноста во делот на понуда на леб. Преку лансирањето на новиот вкус на леб, компанијата Жито Лукс уште повеќе ја зголемува понудата на производи, ги задоволува барањата за нови вкусови на консументите и ги следи новите светските трендови во делот на иновативноста.
Комерцијален текст
