Тара Фолеј се обиде делумо да ѝ ја исполни последната желба на својата 102-годишна баба, а таа била да присуствува на нејзината венчавка.
Знаејќи дека баба ѝ Стасија нема да доживее да посведочи на нејзиното стапување во брак, Тара организирала специјална посета во старечкиот дом во кој била сместена.
Неколку месеци пред свадбата, среќната невеста отишла кај баба си заедно со професионална фотографка, која им направила фотосесија.
„Знаев дека нема да може да дојде во Тексас за мојата свадба. Кога го слушнав тоа реков: ‘Морам да одам кај неа. Сакам да ме види во мојот фустан. Сакам барем приближно да ѝ ја исполнам последната желба’“ – изјавила 28-годишната невеста.
„Беше супер специјално. Многу, многу слатко“ – рекла фотографката.
Бабичката починала еден месец по овој бесценет момент, а Тара ги чувала фотографиите во тајност.
На денот на свадбата, Тара им покажала една од фотографиите на родителите и семејството. „Татко ми мислеше дека имам споено две фотографии со Фотошоп. Беше многу, многу трогнат од фотографијата. Не мислеше дека е реална. Тогаш солзите започнаа да извираат. Сите беа преплавени со емоции и многу изненадени“ – објаснила Тара.
