Легнете си порано вечерва и исклучете ги утринските аларми за да си овозможите квалитетен 8-часовен сон. Денес се слави Светскиот ден на спиењето, за да се потсетиме на придобивките од здравиот и добар сон. На овој датум, многу организации низ светот го вртат вниманието на јавноста кон проблемите со спиењето и нарушувањата на сонот, а годинава слоганот е „Доброто спиење е достижен сон“.
Настанот се одбележува секоја година и е организиран од Комитетот при Светската асоцијација за превенција на сонот.
Сонот е многу важен за функционирањето на организмот, па дајте му го на телото одморот кој го заслужува.
Еве 10 заповеди кои гарантирано ќе ви овозможат добар сон:
- Фиксирано време на заспивање и разбудување;
- Ограничување на дневните дремки на 30-45 минути;
- Избегнување на премногу алкохол и пушење 4 часа пред спиење;
- Избегнување на кофеин 6 часа пред спиење. Тоа вклучува кафе, чај, газирани сокови и чоколадо;
- Избегнување на мрсна, зачинета и слатка храна 4 часа пред спиење;
- Редовно вежбање, но не непосредно пред легнување;
- Користење на квалитетен душек;
- Добро проветрување на спалната и одржување на пријатна температура;
- Елиминирање на светлината и сите звуци кои го одвлекуваат вниманието;
- Резервирање на креветот само за спиење и секс.
