На 6 април започнува наградната игра на Шпаркасе Банка во која главните награди се незаборавни викенд патувања за двајца на различни дестинации во Македонија.
Право на учество имаат сите полнолетни лица корисници на MasterCard Standard и VISA Classic кредитните картички кои во било кои од трите наградни периоди ќе остварат промет во трговија во минимален износ од 2.000 денари, а корисниците на MasterCard Gold и VISA Gold промет во минимален износ од 12.000 денари.
Среќните добитници ќе имаат можност да уживаат во убавините на пролетта во Охрид, да се забавуваат на овогодишниот Прилепски „Пиво Фест“ или пак да се релаксираат со спа викенд уживање во Струмица оваа есен.
Наградната игра трае од 06.04.2015 до 25.09.2015, ќе се одвива во три периоди. Во секој период ќе се доделуваат по 3 вредносни ваучера за една од викенд дестинациите:
- Од 06.04.2015 - 24.04.2015 – викенд за двајца во Охрид
- Од 01.06.2015 – 19.06.2015 – викенд за двајца во Прилеп
- Од 07.09.2015 – 25.09.2015 – викенд за двајца во Струмица
Извлекувањата ќе бидат на 30 април, 25 јуни и 1 октомври 2015г. Добитниците ќе бидат објавени на веб страницата на Банката во рок од 3 дена од извлекувањето. Еден добитник може да учествува во сите наградни периоди доколку ги исполнува условите на наградната игра кои заедно со правилата се објавени на веб страната на Банката: www.sparkasse.mk.
