Комерцијален текст
Сакате да избегате од напорното секојдневие? Само на 15 минути од Скопје, во тетовското село Брвеница е сместен ресторанот Бакал. Вистинско уживање за љубителите на убавата природа и добрата храна. Градината на ресторанот е посебно уредена, што остава впечаток како да се наоѓате далеку, на некое скапо егзотично место, за кое досега само сте сонувале, а не дека сте во Македонија.
Амбиентот е надополнет со вештачко езерце од кое се слуша жуборот на водата, кој дава посебен спокој. Од сите страни во комплексот се простира зеленило и хармонија од бои од убавите растенија. Специфични се мирисите на лаванда и алисиум кои максимално ве опуштаат. Ако сте имале напорен ден, нема подобро место за одмор и релаксација.
Целиот простор нуди максимална интимност, комплетно одделен од сè друго надвор, а црвените ливчиња на фотиниите, разелените липи, расцветани хортензии, и други растенија и цвеќиња од кои некои и за првпат ќе ги видите на ова место создаваат уникатен впечаток и волшебно чувство.
Овде храната е прекрасна и може да ги задоволи и оние најпребирливите. Персоналот е многу љубезен несвојствено за македонски стандарди. Тие ќе ви посакаат добредојде и ќе ве воведат во магијата која се создава во кујната на ресторанот Бакал. Ако сте вистински гурман и љубител на добрата храна, тогаш ги имате сите предуслови за моменти на кои долго ќе се сеќавате. А оттаму ни се нудат неверојатно вкусните јадења подгорче, капама, ѓомлек, но и свежо печено јагне, јаре, прасе, свежа риба кои секој ден ги има на мени, величествениот татар бифтек и разни други домашни и интернационални јадења.
Тука е и домашниот р'жан леб направен од ржано брашно, мелено на камен,без никакви бои и адитиви, како и 90% пченкарен леб исто така од пченка мелена на камен. Храната е толку свежа, подготвена од најквалитетни состојки, што речиси никогаш нема да имате тежина во желудникот, а вкусот на храната ќе остане долго време во вашите спомени.
Посетата на Бакал е одлична можност за да оставите впечаток кај вашиот бизнис партнер, или да ги наградите своите вработени. Со време резервирајте си маса на телефонот 070/28 38 45. А ако сте нестрпливи да го видите менито претходн,о посетете ја страната www.bakal.mk
Во Бакал се чувствува духот на македонската традиција, нуди топла, домаќинска атмосфера и извонредна храна што ќе го зачини вашето доживување, без разлика дали се работи за бизнис ручек, дружење со пријателите или романтична вечера со партнерот.
„Животот е комбинација од магија и добра храна.“ А тоа го има во ресторанот Бакал.