Даниел Бакери подготви несекојдневен свадбен подарок за својот брат. Талентираниот Австралиец го преточи својот говор во музичка преработка на познати песни и ги изведе за време на прославата.
На почетокот од видеозаписот објавен на YouTube, тој пее за миговите од нивното детство и раскажува дека неговиот брат Адријан не можел да престане да зборува за својата сегашна сопруга Сара од денот кога ја запознал.
Во вториот емотивен дел, тој ги искажува чувствата кон својот брат и им посакува на младенците долг и среќен заеднички живот.
Слушнете го несекојдневниот „говор“ кој прво ги насмеа, но подоцна насолзи сите во салата.
